قر سىرتقى ٸستەر مينيسترلٸگٸ وڭتٷستٸك كورەياعا وقۋعا بارىپ, دەپورتاتسيياعا ۇشىراعان ستۋدەنتتەرگە قاتىستى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
بۇعان دەيٸن ەۋرازييا تەلەارناسى جەكە كومپانييا ارقىلى وڭتٷستٸك كورەياعا وقۋ كۋرسىنا كەتكەن قازاقستاندىق ستۋدەنتتەردٸڭ زاڭسىز كەلٸمسەكتەر رەتٸندە كەرٸ قايتارىلعانىن حابارلاعان بولاتىن.
«بٸز بۇل وقيعادان حاباردارمىز. بٸر توپ ستۋدەنت كورەياداعى قازاقستان ەلشٸلٸگٸنە كٶمەككە جٷگٸندٸ», - دەپ جاۋاپ بەردٸ قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ.
بەلگٸلٸ بولعانداي, قازاقستان رەسپۋبليكاسىنىڭ ٷكٸمەتٸ مەن كورەيا رەسپۋبليكاسىنىڭ ٷكٸمەتٸ اراسىنداعى 2014 جىلعى 29 قاراشادان باستاپ كٷشٸنە ەنگەن ۆيزالىق تالاپتاردى ٶزارا جويۋ كەلٸسٸمٸنە سەيكەس, ۇلتتىق پاسپورتى بار, جۇمىس ٸستەۋدٸ, وقۋدى نەمەسە تۇرۋدى جوسپارلاماعان ەكٸ ەلدٸڭ ازاماتتارى 30 كٷنگە دەيٸن بارىپ-كەلە الادى.
«بۇل جاعدايدا قازاقستاندىق ستۋدەنتتەر وڭتٷستٸك كورەيانىڭ كٶشٸ-قون زاڭدارىن بۇزدى جەنە ەلدەن قۋىلدى. ستۋدەنتتەر نەمەسە ساپاردى ۇيىمداستىرعان كومپانييا وڭتٷستٸك كورەيانىڭ قازاقستانداعى ەلشٸلٸگٸمەن بايلانىسىپ, بار جاعدايدى تٷسٸندٸرۋٸ تيٸس. ەرٸ قاراي مەسەلەنٸڭ شەشٸلۋٸ كورەي تاراپىنىڭ قۇزىرىندا بولماق», - دەيدٸ قر سٸم باسپاسٶز حاتشىسى.
قر سىرتقى ٸستەر مينيسترلٸگٸ قازاقستان ازاماتتارىنا بارعالى جاتقان مەملەكەتتٸڭ زاڭىمەن مۇقيات تانىسۋعا كەڭەس بەرەدٸ.
