كٶكشەتاۋ قالاسىندا زەينەتكەر الاياقتاردىڭ قۇربانى بولىپ, 3,1 ميلليون تەڭگەدەن استام قاراجاتىن جوعالتتى, دەپ حابارلايدى ult.kz.
Polisia.kz مەلٸمەتٸنشە, پوليتسيياعا جەرگٸلٸكتٸ تۇرعىن ٶز بانكتٸك شوتىنان ٸرٸ كٶلەمدە اقشا زاڭسىز شەشٸلگەنٸ تۋرالى ارىز تٷسٸرگەن. اتالعان دەرەك بويىنشا قىلمىستىق ٸس قوزعالىپ, سوتقا دەيٸنگٸ تەرگەۋ باستالدى.
الدىن الا مەلٸمەتكە سەيكەس, زەينەتكەر بٸرنەشە اي بويى زەينەتاقىسىن الا الماعان. سەبەبٸ ونىڭ قولىندا باتىرمالى تەلەفون بولعاندىقتان, موبيلدٸ بانكتٸك قوسىمشانى پايدالانا الماعان. وسىعان بايلانىستى ول قىزمەت كٶرسەتۋ ورتالىعىنا بارىپ, قوسىمشانى ورناتۋعا كٶمەك سۇراعان.
تەرگەۋ بارىسىندا كٷدٸكتٸ زەينەتكەردٸڭ سەنٸمٸنە كٸرٸپ, ونىڭ موبيلدٸ بانكتٸك قوسىمشاسىنا قول جەتكٸزگەنٸ انىقتالدى. كەيٸن ول شوتتاعى قاراجاتتى ٷشٸنشٸ تۇلعالاردىڭ ەسەپشوتتارىنا اۋدارىپ, سونداي-اق جەبٸرلەنۋشٸنٸڭ اتىنا نەسيە رەسٸمدەگەن دەگەن كٷدٸككە ٸلٸندٸ.
زەينەتكەر بۇل جاعدايدى بانك بٶلٸمشەسٸنە جٷگٸنگەن كەزدە عانا بٸلگەن. بانك قىزمەتكەرلەرٸ ونىڭ شوتىندا قاراجات جوق ەكەنٸن ايتىپ, پوليتسيياعا حابارلاسۋعا كەڭەس بەرگەن.
قازٸر تەرگەۋ امالدارى جالعاسىپ جاتىر. پوليتسييا ازاماتتاردى جەكە دەرەكتەردٸ, بانك كارتالارى مەن SMS-كودتاردى بٶگدە ادامدارعا بەرمەۋگە شاقىردى.
