بانكتەردٸڭ بٸرٸ LRT قۇرىلىسىن جالعاستىرۋ ٷشٸن كەلٸسٸمٸن بەردٸ. بۇل تۋرالى ەلوردا مەسليحاتىنىڭ كەزەكتەن تىس سەسسيياسىندا قالا ەكٸمٸ التاي كٶلگٸنوۆ ايتتى, دەپ حابارلايدى قازاقپارات.
سەسسييا جۇمىسىندا LRT قۇرىلىسى مەسەلەسٸ كٶتەرٸلدٸ. وسى ورايدا اياقتالماعان قۇرىلىس نىساندارى قالا مەن ەۋەجايعا باراتىن جولدىڭ كٶركٸن بۇزىپ تۇرعانى ايتىلدى.
«LRT مەسەلەسٸ بٸرازدان بەرٸ تالقىلانىپ كەلەدٸ. ونىڭ پروبلەماسى قايدان پايدا بولدى? بٸرٸنشٸدەن, ەكٸنشٸ دەڭگەيلٸ بانك بانكروتقا ۇشىراعان كەزدە سول جەردە قاراجات بۇعاتتالىپ قالدى. ەكٸنشٸدەن, وسى مەسەلەدە زاڭ بۇزۋشىلىق بولدى. ٷشٸنشٸدەن, قازٸر ەڭ نەگٸزگٸ مەسەلە – ول قارجىلاندىرۋ. بۇل جوباعا قوماقتى قاراجات كەرەك. وسىعان دەيٸن بٸرشاما جۇمىستار اتقارىلعانىن بٸلەسٸزدەر, ورناتىلعان ينجەنەرلٸك قۇرىلىستار قالانىڭ سەنٸن كەلتٸرمەي تۇرعانى راس. بٸراق باستالعان جۇمىس اياقتالۋى كەرەك», - دەدٸ ا. كٶلگٸنوۆ.
ونىڭ ايتۋىنشا, بٸر جىلدان استام ۋاقىت بويى ەكٸمدٸك بانكتەرمەن تيٸستٸ تالقىلاۋلار جٷرگٸزدٸ.
«بۇل جوبانى ٸسكە اسىرۋعا بانكتەر قوسىلۋعا قاۋقارسىز بولىپ تۇر. سوندىقتان مينيسترلٸكپەن بٸرگە كونكۋرس جارييالادىق. قازٸرگٸ كەزدە تيٸستٸ بانك ٶزٸنٸڭ كەلٸسٸمٸن بەرٸپ جاتىر, ونى الداعى ۋاقىتتا قوسىمشا حابارلايمىز. ياعني ولار كەلٸسٸمشارتقا قول قويعانان كەيٸن ايتامىز. جوسپار – جوبانى اياقتاۋ. قازٸر ەۋەجاي جاقتا بٸر شاقىرىمنان استام بالكالار ورناتىلدى», - دەدٸ قالا ەكٸمٸ.
