ٶزبەكستاننىڭ بۇرىنعى پرەزيدەنتٸ يسلام كاريموۆتىڭ ٷلكەن قىزى گٷلنارا كاريموۆانىڭ ۇلى, كٸشٸ يسلام كاريموۆ باس پروكۋراتۋرانى اناسىنا قاتىستى قىلمىستىق ٸستٸ قولدان جاساپ وتىر دەپ ايىپتادى. BBC-گە بەرگەن, 1 تامىزدا جارييالانعان سۇحباتىندا كٸشٸ يسلام كاريموۆ اناسىنا جالا جابىلىپ وتىر دەدٸ.
28 شٸلدەدە ٶزبەكستان باس پروكۋراتۋراسى كاريموۆانىڭ قاماۋدا ەكەنٸن حابارلاعان. پروكۋراتۋرانىڭ اقپاراتى بويىنشا, 2015 جىلى تامىزدا تاشكەنت وبلىستىق قىلمىستىق ٸستەر سوتى كاريموۆانىڭ باس ەركٸندٸگٸن بەس جىلعا شەكتەگەن. قازٸر وعان قاتىستى قىلمىستىق كودەكستٸڭ باسقا بابى بويىنشا تەرگەۋ جالعاسىپ جاتىر.
كٸشٸ يسلام كاريموۆ سٶزٸنشە, ٶزٸنٸڭ اناسىنا قارسى مەلٸمدەمەلەردٸڭ بەرٸ "بۇرمالانعان, قولدان جاسالعان". "قولدارىنان كەلگەن بارلىق جالانى, بارلىق جىمقىرىلعان قاراجاتتى, بارلىق مينسترلٸكتەن مەنٸڭ اناما جاۋىپ وتىر: ونى قاماپ ٶزدەرٸ سٷتتەن اق بولىپ شىعىپ, جۇمىسىن ەرٸ قاراي ٸستەي بەرمەكشٸ", - دەدٸ ول.
بۇرىنعى پرەزيدەنت جيەنٸنٸڭ ايتۋىنشا, گٷلنارا كاريموۆاعا تەلٸنگەن اكتيۆتەر, (ٸستە 2 ميلليارد دوللار كٶلەمٸندە قارجى جىمقىرعانى ايتىلادى) شىن مەنٸندە اناسىنٸكٸ ەمەس جەنە كاريموۆانىڭ تۋىستارى ٶزبەكستان شەنەۋنٸكتەرٸنٸڭ احۋالى جايلى ٷلكەن قۇجاتتى جارييالاۋعا دايىندالىپ جاتىر.
كاريموۆانىڭ ۇلى BBC-گە 1 تامىزدا قولىنا تيگەن سوت قۇجاتىنىڭ 3 شٸلدەدە دايىندالعانىن, قۇجاتتا اناسىنىڭ تٷرمەگە اۋىستىرىلعانى حابارلانعانىن ايتادى. بۇل قۇجاتتىڭ راستىعىن انىقتاۋ مٷمكٸن بولماي تۇر.
