فوتو: kapital.kz
پرەزيدەنت قاسىم-جومارت توقاەۆ ۇلتتىق قۇرىلتايدىڭ IV وتىرىسىندا كينو سالاسىنا قاتىستى سىننىڭ ورىندى ەكەنٸن ايتتى, دەپ حابارلايدى Ult.kz.
مەملەكەت باسشىسىنىڭ ايتۋىنشا, بىلتىر قازاقستاندىق ماماندار تٷسٸرگەن 94 فيلم شىققان ەكەن.
«تاعى بٸر تٷيتكٸل – قازٸر كينوتەاتردا كٶرسەتٸلەتٸن فيلمدەرگە قاتىستى قوعامدىق سىن بار. بىلتىر قازاقستاندىق ماماندار تٷسٸرگەن 94 فيلم شىققان, ياعني, نەگٸزٸنەن ٶزٸمٸزدٸڭ ٶنٸم شىعارىلىپ جاتىر. بۇل – جاقسى ٷردٸس. بٸراق بٸز ەڭ الدىمەن سانعا ەمەس, ساپاعا كٶڭٸل اۋدارۋىمىز كەرەك. كٶرەرمەننٸڭ كٶڭٸلٸن كٶتەرٸپ, كٷلكٸ سىيلاۋ – بٸر بٶلەك, جاعىمسىز ەدەتتەردٸ ناسيحاتتاۋ – بٸر باسقا», – دەدٸ ق.توقاەۆ.
پرەزيدەنت ٶز سٶزٸندە, زورلىق-زومبىلىقتى, قاتىگەزدٸك پەن قىلمىستى ناسيحاتتايتىن فيلمدەر دە پايدا بولعانىن, وسى جەردە بٸر نەرسەنٸ ەسكەرۋ كەرەك مەسەلەلەر بارىن العا تارتتى.
«بٷگٸندە فيلمدەردٸڭ باسىم كٶپشٸلٸگٸ مەملەكەتتٸك تاپسىرىسپەن ەمەس, جەكە قارجىعا تٷسٸرٸلۋدە. كينو ماڭىزدى يدەولوگييالىق قۇرال ەكەنٸن بەرٸمٸز جاقسى تٷسٸنەمٸز. سوندىقتان جەكە قارجىعا تٷسٸرٸلسە دە, فيلمدٸ كينوتەاترعا شىعارماس بۇرىن الدىن الا سٷزگٸدەن ٶتكٸزۋ جولدارىن قاراستىرعان جٶن», – دەدٸ مەملەكەت باسشىسى.
