كحدر مەملەكەتتٸك كەڭەسٸنٸڭ تٶراعاسى كيم چەن ىن سامچجييون قالاسىندا سوڭعى جىلدارى بولعان ٷلكەن قۇرىلىس جۇمىسشىلارىنا العىسىن بٸلدٸردٸ.
رەسەيلٸك تاسس اگەنتتٸگٸنٸڭ حابارلاۋىنشا, بۇل تۋرالى جەكسەنبٸ كٷنٸ حالىق رەسپۋبليكاسىنىڭ «نودون سينمۋن» ورتالىق گازەتٸ جازعان.
«قۇرمەتتٸ جوعارعى باسشى كيم چەن ىن مىرزا سامچجيەن قالاسىن قۇرۋعا شىنايى ٷلەسٸن قوسقان جۇمىسكەرلەرگە العىسىن بٸلدٸردٸ», - دەلٸنگەن ماقالادا.
«بۇل رەتتە باسىلىم قۇرىلىسشىلارعا العىس جولداۋ قاشان جٸبەرٸلگەنٸن, سونداي-اق حالىق رەسپۋبليكاسىنىڭ باسشىسى قازٸرگٸ كەزدە قايدا ەكەنٸ تۋرالى ەش مەلٸمەت جوق», دەپ جازادى تاسس.
وسى ارادا, كورەيا ورتالىق تەلەگراف اگەنتتٸگٸ (كوتا) بٷگٸن تاڭەرتەڭ رفكپ تٶراعاسى گ.ا.زيۋگانوۆتىڭ كيم چەن ىنعا 2019 جىلدىڭ 25 سەۋٸرٸندە رەسەي مەن كحدر كٶشباسشىلارىنىڭ ۆلاديۆوستوكتا ٶتكەن سامميتٸنٸڭ بٸر جىلدىعىنا وراي قۇتتىقتاۋ جەدەلحاتىن جٸبەرگەنٸ تۋرالى حابارلادى.
ال 22 سەۋٸردە, كوتا-نىڭ اقپاراتىنشا, كيم چەن ىن سيرييا اراب رەسپۋبليكاسىنىڭ پرەزيدەنتٸ باشار ەل-اسادقا جەدەلحات جٸبەرگەن.
بۇل رەتتە باق كيمنٸڭ 11 سەۋٸردەن باستاپ حالىق الدىنا شىقپاعانى تۋرالى ەشتەڭە حابارلاعان جوق, بۇل ەلدٸڭ 36 جاستاعى كٶشباسشىسىنىڭ اۋىر دەرتكە شالدىققانى تۋرالى ٶسەك-اياڭعا سەبەپ بولعان, دەپ جازادى رەنحاپ.
سولتٷستٸك كورەيانىڭ بۇقارالىق اقپارات قۇرالدارى كيم چەن ىننىڭ دەنساۋلىعىنا قاتىستى اقپاراتتاردى جارييالامايدى. بۇنىڭ ورنىنا پحەنياننٸڭ ناسيحات ورتالىقتارى كورەيا حالىقتىق رەۆوليۋتسييالىق ارميياسىنىڭ قۇرىلۋىنىڭ 88-جىلدىعى تۋرالى بەلسەندٸ جازعان.
وسى ارادا, Reuters قىتايدىڭ سولتٷستٸك كورەياعا دەرٸگەرلەر مەن شەنەۋنٸكتەردٸڭ بٸر توبىن جٸبەرگەنٸ تۋرالى حابارلادى. قىتاي كوممۋنيستٸك پارتيياسىنىڭ حالىقارالىق بايلانىس بٶلٸمٸنٸڭ قىزمەتكەرٸ باستاعان دەلەگاتسييا بەيسەنبٸ كٷنٸ بەيجٸڭنەن سولتٷستٸك كورەياعا اتتاندى.
