KHDR Memlekettik keńesiniń tóraǵasy Kim Chen Yn Samchjiion qalasynda sońǵy jyldary bolǵan úlken qurylys jumysshylaryna alǵysyn bildirdi.
Reseilik TASS agenttiginiń habarlaýynsha, bul týraly jeksenbi kúni halyq respýblikasynyń «Nodon sinmýn» ortalyq gazeti jazǵan.
«Qurmetti joǵarǵy basshy Kim Chen Yn myrza Samchjien qalasyn qurýǵa shynaiy úlesin qosqan jumyskerlerge alǵysyn bildirdi», - delingen maqalada.
«Bul rette basylym qurylysshylarǵa alǵys joldaý qashan jiberilgenin, sondai-aq halyq respýblikasynyń basshysy qazirgi kezde qaida ekeni týraly esh málimet joq», dep jazady TASS.
Osy arada, Koreia Ortalyq telegraf agenttigi (KOTA) búgin tańerteń RFKP tóraǵasy G.A.Ziýganovtyń Kim Chen Ynǵa 2019 jyldyń 25 sáýirinde Resei men KHDR kóshbasshylarynyń Vladivostokta ótken sammitiniń bir jyldyǵyna orai quttyqtaý jedelhatyn jibergeni týraly habarlady.
Al 22 sáýirde, KOTA-nyń aqparatynsha, Kim Chen Yn Siriia Arab Respýblikasynyń prezidenti Bashar Ál-Asadqa jedelhat jibergen.
Bul rette BAQ Kimniń 11 sáýirden bastap halyq aldyna shyqpaǵany týraly eshteńe habarlaǵan joq, bul eldiń 36 jastaǵy kóshbasshysynyń aýyr dertke shaldyqqany týraly ósek-aiańǵa sebep bolǵan, dep jazady Renhap.
Soltústik Koreianyń buqaralyq aqparat quraldary Kim Chen Ynnyń densaýlyǵyna qatysty aqparattardy jariialamaidy. Bunyń ornyna Phenianniń nasihat ortalyqtary Koreia halyqtyq revoliýtsiialyq armiiasynyń qurylýynyń 88-jyldyǵy týraly belsendi jazǵan.
Osy arada, Reuters Qytaidyń Soltústik Koreiaǵa dárigerler men sheneýnikterdiń bir tobyn jibergeni týraly habarlady. Qytai Kommýnistik partiiasynyń halyqaralyq bailanys bóliminiń qyzmetkeri bastaǵan delegatsiia beisenbi kúni Beijińnen Soltústik Koreiaǵa attandy.
