13 مامىردا كيەۆتە بەيبٸت تۇرعىندى اتىپ ٶلتٸردٸ دەپ ايىپتالعان رەسەيلٸك تانكيستٸڭ سوتى باستالدى. بۇل - رەسەي ۋكرايناعا باسىپ كٸرگەلٸ بەرٸ ورىس سولداتتارىنىڭ ەرەكەتٸنە قاتىستى ٶتٸپ وتىرعان العاشقى سوت, دەپ حابارلايدى ازاتتىق.
تەرگەۋ ورگاندارىنىڭ مەلٸمەتٸنشە, سەرجانت ۆاديم شيشمارين بيىل 28 اقپاندا ۆەلوسيپەد ايداپ بارا جاتىپ, تەلەفونمەن سٶيلەسكەن 62 جاستاعى ەر ادامنىڭ باسىنان اتىپ ٶلتٸرگەن. بۇل وقيعا ۋكراينانىڭ سولتٷستٸك-شىعىسىنداعى سۋمسكايا وبلىسىنىڭ چۋپاحوۆكا پوسەلكاسىندا بولعان.
21 جاستاعى شيشمارينگە ۋكراينا قىلمىستىق كودەكسٸنٸڭ "سوعىس زاڭى مەن ەرەجەلەرٸن بۇزۋ" بابى بويىنشا ايىپ تاعىلىپ وتىر. ونىڭ قانداي جاعدايدا تۇتقىنعا تٷسكەنٸ جەنە كٸنەسٸن مويىندايتىنى-مويىندامايتىنى جايلى اقپارات جوق.
13 مامىردا سوت وتىرىسى بٸر ساعاتقا جەتپەي اياقتالدى. سۋديا پروتسەستٸڭ اشىق ٶتەتٸنٸن ايتىپ, 18 مامىر كٷنٸ قارالاتىن ٸستٸڭ تەرتٸبٸن بەكٸتتٸ.
ۋكراينا بيلٸگٸ رەسەي ەسكەرٸن كٶپتەگەن قىلمىستارعا (بەيبٸت تۇرعىنداردى ٶلتٸرۋ, توناۋ, زورلاۋ جەنە تاعى باسقا) ايىپتايدى. ۋكراينا باس پروكۋرورى يرينا ۆەنەديكتوۆا 600-دەن استام كٷدٸكتٸ قاتىسقان 10,7 مىڭنان استام ەسكەري قىلمىستى تەرگەيتٸنٸن مەلٸمدەدٸ.
حالىقارالىق قىلمىستىق سوت تا ىقتيمال ەسكەري قىلمىستار بويىنشا تەرگەۋ جٷرگٸزٸپ جاتىر. بۇۇ ادام قۇقىقتارى كەڭەسٸ جۋىردا كيەۆ تٷبٸندەگٸ ەسكەري قىلمىستاردى زەرتتەۋدٸ تالاپ ەتەتٸن قارار قابىلداعان. قاراردا بۇۇ ٶكٸلدەرٸ قۇجاتقا تٷسٸرگەن ادامداردى اتىپ ٶلتٸرۋ, ازاپتاۋ, جىنىستىق زورلىق-زومبىلىق جەنە ٶزگە دە قاتٸگەز ەرەكەتتەر باياندالعان.
ۋكراينا بيلٸگٸنٸڭ مەلٸمەتٸنشە, كيەۆ وبلىسىندا بٸر ايعا سوزىلعان وككۋپاتسييا كەزٸندە رەسەي ەسكەرٸ شامامەن مىڭ بەيبٸت تۇرعىندى ٶلتٸرگەن. Wall Street Journal بەيسەنبٸ كٷنٸ كيەۆ ماڭىنداعى "اجال سٷرلەۋٸ" اتانىپ كەتكەن اۋماقتا ونداعان ادامنىڭ قازاسى تۋرالى زەرتتەۋ جارييالادى. رەسەي ەسكەرٸ جولدا ٶتٸپ بارا جاتقان بەيبٸت تۇرعىنداردىڭ كٶلٸكتەرٸنە وق اتقان.
رەسەيدە دە ۋكراين ەسكەريلەرٸنە قارسى قىلمىستىق ٸستەر قوزعالعان. ولارعا دونباستاعى بەيبٸت تۇرعىندارعا وق اتتى دەگەن ايىپتار تاعىلعان. وسى اپتادا تەرگەۋ كوميتەتٸنٸڭ تٶرت ۋكراين سولداتىنا ايىپ تاققانى حابارلاندى.
