فوتو: khabar.kz
«حابار» اگەنتتٸگٸ قازاقستان رەسپۋبليكاسى وقۋ-اعارتۋ مينيسترلٸگٸنٸڭ قولداۋىمەن 11(12) سىنىپ وقۋشىلارى اراسىندا «ححٸ عاسىر كٶشباسشىسى» زيياتكەرلٸك ويىنىن قايتا جاڭعىرتتى.
بيىلعى جىلدىڭ قاراشا ايىندا ەلٸمٸزدٸڭ بارلىق ٶڭٸرٸندە باستالعان ٸرٸكتەۋ كەزەڭٸ 2025 جىلدىڭ سەۋٸر ايىنا دەيٸن جالعاسادى. ٶڭٸرلٸك كەزەڭنٸڭ نەتيجەسٸ بويىنشا ەربٸر وبلىستان 5 ٷزدٸك وقۋشى رەسپۋبليكالىق كەزەڭگە جولداما الادى. ول 2025 جىلدىڭ ناۋرىز-سەۋٸر ايلارىندا الماتى قالاسىندا ٶتەدٸ دەپ جوسپارلانىپ وتىر.
زيياتكەرلٸك سايىسىنىڭ تاپسىرمالارى جالپى بٸلٸم, لوگيكا, مۋزىكا, ٶنەر, سپورت سەكٸلدٸ تٷرلٸ سالالاردى قامتيدى. اۋداندىق كەزەڭدە قاتىسۋشىلار 45 مينۋت ٸشٸندە 30 سۇراققا جاۋاپ بەرۋلەرٸ كەرەك بولسا, وبلىستىق كەزەڭدە 60 سۇراقتىڭ شەشٸمٸن تابۋعا 75 مينۋت ۋاقىت بەرٸلەدٸ.
«بۇل تەلەويىننىڭ وقۋشىلاردىڭ زيياتكەرلٸك ەلەۋەتٸن دامىتۋعا ايتارلىقتاي ٷلەس قوساتىنىنا جەنە ولاردىڭ بٸلٸمگە, ٶز ٶزٸن جەتٸلدٸرۋگە ۇمتىلۋىنا سەرپٸن بەرەتٸنٸنە سەنٸمدٸمٸز. جوبا ەڭ تالانتتى, دارىندى كٶشباسشىلاردى تانۋعا, تاڭداۋعا سەپتٸگٸن تيگٸزەدٸ», - دەيدٸ «دارىن» رعپو-نىڭ ديرەكتورى عاجدەمبەك تۇرسىنوۆ.
ەستەرٸڭٸزگە سالا كەتەيٸك, «ححٸ عاسىر كٶشباسشىسى» تەلەويىنى «حابار» رەسپۋبليكالىق تەلەارناسىندا العاش رەت 1999 جىلى جارىققا شىقتى. 25 جىل ٸشٸندە ول بٸرنەشە رەت جاڭارىپ, جوعارعى جەنە كٸشٸ توپتار فورماتىندا دا ۇسىنىلدى.
وقۋشىلاردىڭ بٸلٸمٸ مەن ينتەللەكتۋالدى دامۋىن ارتتىرۋعا, سونداي-اق ەلٸمٸزدٸڭ بولاشاق زيياتكەرلٸك ەلەۋەتٸن قالىپتاستىرۋعا باعىتتالعان تەلەجوبا ەندٸ وقۋ-اعارتۋ مينيسترلٸگٸنٸڭ قولداۋىمەن قايتادان ٶز كٶرەرمەنٸمەن قاۋىشادى.
