فوتو: اشىق دەرەككٶز
قر ٸشكٸ ٸستەر مينيسترٸنٸڭ ورىنباسارى يگور لەپەحا قازاقستاندا ەيەلدەردٸ حاراسسمەنتتەن قورعاۋعا باعىتتالعان زاڭدى قابىلداۋ مٷمكٸندٸگٸنە قاتىستى سۇراققا جاۋاپ بەردٸ, دەپ حابارلايدى كazinform.
ونىڭ ايتۋىنشا, قازٸرگٸ كەزدە ۆەدومستۆو قىسىم كٶرسەتۋگە جول بەرمەۋگە ارنالعان زاڭ جوباسى ەزٸرلەپ جاتىر.
«قازٸر قوعامدا بۇل تاقىرىپ كٶتەرٸلٸپ جاتىر جەنە حاراسسمەنت بويىنشا ۇسىنىستار دا ايتىلىپ جٷر. بۇل تۇرعىدا قاراما-قايشى پٸكٸرلەر دە كەزدەسٸپ وتىر. بٸرەۋلەر قولداسا, كەيبٸرٸ ٷزٸلدٸ-كەسٸلدٸ قارسى. سوندىقتان بٸز ولاردى جۇمىس توبىنىڭ وتىرىستارىندا تالقىلايمىز. بۇل مەسەلە ەلٸ دە قوعامدىق تالقىلاۋدا», - دەدٸ ي.لەپەحا سەناتتىڭ جالپى وتىرىسىنان كەيٸن تٸلشٸلەر سۇراعىنا جاۋاپ بەرە وتىرىپ.
بۇعان دەيٸن جۇمىستاعى حاراسسمەنت ٷشٸن جاۋاپكەرشٸلٸك ەنگٸزٸلۋٸ مٷمكٸن ەكەنٸ حابارلانعان ەدٸ. بىلتىر سەناتور دارحان قىدىرەلٸ قازاقستانداعى ەيەلدەر جۇمىستا زورلىق-زومبىلىق پەن قۋدالاۋعا تاپ بولاتىنىن ايتتى
«ەلٸمٸزدە حاراسسمەنتتٸڭ الدىن الاتىن ارنايى زاڭنىڭ بولماۋى دا ٷلكەن مەسەلە. جازالانباي جەڭٸل قۇتىلاتىنىن بٸلەتٸندەر تٷرلٸ جٷگەنسٸزدٸككە بارادى, قىلمىستى قىمسىنباي جاسايدى. سوندىقتان قورعانسىزدىڭ كٷنٸن كەشپەس ٷشٸن ازاماتتارىمىزدى زورلىق-زومبىلىقتان قورعايتىن زاڭنامانى كٷشەيتۋ كەزەك كٷتتٸرمەيدٸ», - دەدٸ د.قىدىرەلٸ.
