جەر رەفورماسى جٶنٸندەگٸ كوميسسييا ٷكٸمەتكە ورمان القاپتارىنان جايىلىمدار مەن شابىندىقتاردى جالعا بەرۋ بٶلٸگٸندەگٸ زاڭنامانى جەتٸلدٸرۋدٸ ۇسىندى, دەپ حابارلايدى قازاقپارات.
قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن ٶتٸپ جاتقان جەر رەفورماسى جٶنٸندەگٸ كوميسسييانىڭ ٷشٸنشٸ وتىرىسىندا ەكونوميكالىق مەسەلەلەر جٶنٸندەگٸ جۇمىس توبىنىڭ باسشىسى اقىلبەك كٷرٸشباەۆ وسىنداي ۇسىنىس ايتتى.
«ورمان قورى جەرلەرٸندەگٸ ورمان شارۋاشىلىعى ٷشٸن پايدالانىلمايتىن اۋىلشارۋاشىلىق القاپتارىن اۋىل شارۋاشىلىعى ماقساتىنداعى جەرلەر ساناتىنا اۋىستىرۋ جەنە جەرگٸلٸكتٸ حالىقتىڭ مال جايۋى ٷشٸن سول جەرلەردٸ جالعا بەرۋ مٷمكٸندٸگٸن كەڭەيتۋ قاجەت. ورمان قورى جەرلەرٸن ازايتۋعا توپ مٷشەلەرٸ قارسى بولدى. ٶيتكەنٸ قازاقستانداعى ورمان القابىنىڭ ٷلەسٸ بەس-اق پايىز. كەرٸسٸنشە, بٸز ورماندارىمىزدى ساقتاپ, ونىڭ كٶلەمٸن ۇلعايتۋىمىز قاجەت», - دەدٸ كوميسسييا مٷشەسٸ.
ونىڭ ايتۋىنشا, جۇمىس توبىنىڭ وتىرىستارى كەزٸندە ساراپشىلار ورمان قورىنداعى جايىلىمداردى جەرگٸلٸكتٸ حالىقتىڭ مال جايۋ ٷشٸن تيٸمدٸ پايدالانۋىنا كٶپ كەدەرگٸ بار ەكەنٸنە كٶز جەتكٸزگەن.
«مىسالى, قازاقستانداعى ورمان قورلارىنىڭ جەنە ەرەكشە قورعالاتىن اۋماقتاردىڭ القاپتارى 41 ملن گەكتارعا جۋىق. سونىڭ ٸشٸندە 10 ملن گەكتارداي ارنايى جايىلىمعا بەرٸلگەن جەرلەر. بۇل – ٷلكەن مٷمكٸندٸك. بٸراق, ٶكٸنٸشكە قاراي, جايىلىمداردى جەرگٸلٸكتٸ حالىققا جالعا بەرۋ مەسەلەلەرٸندە بيۋروكراتييا ٶتە كٶپ. مەملەكەتتٸك ورگاندار جەنە جەرگٸلٸكتٸ ەكٸمشٸلٸك تاراپىنان بۇل مەسەلەلەر تيٸستٸ دەڭگەيدە باقىلانبايدى. بٸزدٸڭ ۇسىنىسىمىز – حالىقتىڭ جايىلىمدىق جەرلەردەگٸ قاجەتتٸلٸكتەرٸن قاناعاتتاندىرۋ ٷشٸن قازاقستان رەسپۋبليكاسىنىڭ ٷكٸمەتٸنە ورمان القاپتارىنان جايىلىمدار مەن شابىندىقتاردى جالعا بەرۋ بٶلٸگٸندەگٸ زاڭنامانى جەتٸلدٸرۋ. جۇمىس توبىنداعى كٶپشٸلٸك وسى مەسەلەنٸ قولدادى», – دەدٸ كٷرٸشباەۆ.
