تمد حالىقارالىق بايقاۋشىلارى ەلوردانىڭ بٸرنەشە سايلاۋ ۋچاسكەسٸنٸڭ دايىندىعىن پىسىقتادى. تمد-داعى ميسسييا شتابىنىڭ جەتەكشٸسٸ ەۆگەنييي كوزياكتٸڭ ايتۋىنشا, ولار ٶز ميسسيياسىنا 21 جەلتوقساندا كٸرٸسكەن.
وسى كٷننەن بەرٸ قازاقستاندامىز. شتابىمىز نۇر-سۇلتان قالاسىندا ورنالاسقان. الايدا بٸز تەك ەلوردانىڭ سايلاۋ ۋچاسكەلەرٸنٸڭ جۇمىسىن عانا ەمەس, ٶڭٸرلەردٸڭ دە دايىندىعىن پىسىقتايتىن بولامىز. مەن ٶزٸم الماتى قالاسى مەن الماتى وبلىسىنا بارىپ, سايلاۋعا دايىندىق پروتسەسٸن كٶرٸپ قايتتىم, - دەيدٸ ول.
بٷگٸن بايقاۋشىلار ەلورداداعى ەكٸ سايلاۋ ۋچاسكەسٸنٸڭ جۇمىسىمەن تانىستى. ەكٸ ۋچاسكە دە داۋىس بەرۋشٸلەردٸ قابىلداۋعا دايىن ەكەنٸ انىقتالدى.
داۋىس بەرۋگە قاجەتتٸ قۇرال-جابدىقتاردىڭ بارلىعى ورنالاستىرىلعانىنا كۋە بولدىق. سايلاۋشىلارعا قاجەتتٸ جاعداي جاسالعان. بايقاعانىمىزداي, ەڭ باستى نازار سانيتارلىق شارالارعا اۋدارىلىپتى. داۋىس بەرۋگە ارنالعان كابينالار پەردەسٸز ەتٸپ جاسالعان. ول دەزينفەكتسييا جاساۋعا قولايلى. دەگەنمەن ول داۋىس بەرۋدٸڭ قۇپييالىلىعىنا كەدەرگٸ كەلتٸرمەيدٸ دەپ ويلايمىز. ٶيتكەنٸ داۋىس بەرۋشٸ بيۋللەتەندٸ تولتىرعاندا ٶزگەلەرگە ارقاسىمەن تۇرادى. قازٸر ادامداردىڭ دەنساۋلىعى ماڭىزدى, - دەيدٸ ەۆگەنيي كوزياك.
ونىڭ ايتۋىنشا, مۇنداي ەدٸس ٶزگە تمد ەلدەرٸندە دە قولدانىلعان. مىسالى مولداۆادا بولعان سايلاۋدا دا كابينا وسىلاي جابدىقتالعان.
جۇمىس باستالعالى بارلىق ساياسي پارتييانىڭ سايلاۋالدى شتابىنىڭ ٶكٸلدەرٸمەن كەزدەستٸك. ولاردان ناۋقاندى ۇيىمداستىرۋ بارىسى تۋرالى ويلارى مەن ۇسىنىستارىن تىڭدادىق. ەزٸرگە شاعىمدار ەستٸمەدٸك. سونداي-اق ورتالىق سايلاۋ كوميسسيياسىنىڭ مٷشەلەرٸمەن دە كەزدەستٸك. ەلدٸڭ ايماقتارىن دا ارالاپ جٷرمٸز. وسىلايشا دايىندىق تۋرالى تولىققاندى ەسەر الۋعا تىرىسۋدامىز, - دەدٸ ول.
ونىڭ ايتۋىنشا, ديپلوماتييالىق كورپۋس ٶكٸلدەرٸ, قازاقستانداعى تمد ەلشٸلٸكتەرٸنەن بايقاۋشى رەتٸندە 20 ادام ۇزاق مەرزٸمدٸ بايقاۋشى رەتٸندە تارتىلعان. سايلاۋ كٷنٸنە جاقىن قىسقا مەرزٸمدٸ بايقاۋشىلاردىڭ توبى كەلەدٸ. قازٸرگٸ كٷنٸ ولاردىڭ 200-دەن استامى ورتالىق سايلاۋ كوميسسيياسىندا اككرەديتاتسييادان ٶتتٸ.
سايلاۋ اياقتالعان سوڭ بٸز بايقاۋشىلاردان اقپارات الامىز, سونىڭ نەگٸزٸندە قورىتىندى جوبا جاسالادى. ول ميسسييامىزدىڭ باسپاسٶز كونفەرەنتسيياسىندا 11 قاڭتار كٷنٸ جارييا بولادى. بٸز وسىمەن 14 رەت وسى ەلدە ٶز ميسسييامىزدى ورىنداپ وتىرمىز, تەجٸريبەگە سٷيەنٸپ ايتار بولسام, ەلدە بۇل ساياسي ناۋقان زاڭناماعا ساي ٶتٸپ كەلدٸ, - دەدٸ ول.
