TMD halyqaralyq baiqaýshylary elordanyń birneshe sailaý ýchaskesiniń daiyndyǵyn pysyqtady. TMD-daǵy missiia shtabynyń jetekshisi Evgeniii Koziaktiń aitýynsha, olar óz missiiasyna 21 jeltoqsanda kirisken.
Osy kúnnen beri Qazaqstandamyz. Shtabymyz Nur-Sultan qalasynda ornalasqan. Alaida biz tek elordanyń sailaý ýchaskeleriniń jumysyn ǵana emes, óńirlerdiń de daiyndyǵyn pysyqtaityn bolamyz. Men ózim Almaty qalasy men Almaty oblysyna baryp, sailaýǵa daiyndyq protsesin kórip qaittym, - deidi ol.
Búgin baiqaýshylar elordadaǵy eki sailaý ýchaskesiniń jumysymen tanysty. Eki ýchaske de daýys berýshilerdi qabyldaýǵa daiyn ekeni anyqtaldy.
Daýys berýge qajetti qural-jabdyqtardyń barlyǵy ornalastyrylǵanyna kýá boldyq. Sailaýshylarǵa qajetti jaǵdai jasalǵan. Baiqaǵanymyzdai, eń basty nazar sanitarlyq sharalarǵa aýdarylypty. Daýys berýge arnalǵan kabinalar perdesiz etip jasalǵan. Ol dezinfektsiia jasaýǵa qolaily. Degenmen ol daýys berýdiń qupiialylyǵyna kedergi keltirmeidi dep oilaimyz. Óitkeni daýys berýshi biýlletendi toltyrǵanda ózgelerge arqasymen turady. Qazir adamdardyń densaýlyǵy mańyzdy, - deidi Evgenii Koziak.
Onyń aitýynsha, mundai ádis ózge TMD elderinde de qoldanylǵan. Mysaly Moldavada bolǵan sailaýda da kabina osylai jabdyqtalǵan.
Jumys bastalǵaly barlyq saiasi partiianyń sailaýaldy shtabynyń ókilderimen kezdestik. Olardan naýqandy uiymdastyrý barysy týraly oilary men usynystaryn tyńdadyq. Ázirge shaǵymdar estimedik. Sondai-aq Ortalyq sailaý komissiiasynyń múshelerimen de kezdestik. Eldiń aimaqtaryn da aralap júrmiz. Osylaisha daiyndyq týraly tolyqqandy áser alýǵa tyrysýdamyz, - dedi ol.
Onyń aitýynsha, diplomatiialyq korpýs ókilderi, Qazaqstandaǵy TMD elshilikterinen baiqaýshy retinde 20 adam uzaq merzimdi baiqaýshy retinde tartylǵan. Sailaý kúnine jaqyn qysqa merzimdi baiqaýshylardyń toby keledi. Qazirgi kúni olardyń 200-den astamy Ortalyq sailaý komissiiasynda akkreditatsiiadan ótti.
Sailaý aiaqtalǵan soń biz baiqaýshylardan aqparat alamyz, sonyń negizinde qorytyndy joba jasalady. Ol missiiamyzdyń baspasóz konferentsiiasynda 11 qańtar kúni jariia bolady. Biz osymen 14 ret osy elde óz missiiamyzdy oryndap otyrmyz, tájiribege súienip aitar bolsam, elde bul saiasi naýqan zańnamaǵa sai ótip keldi, - dedi ol.
