قازاقستاندا ٶنٸمدەر مەن تاۋارلاردىڭ حالال ستاندارتىنا ساي ەكەنٸن قازاقستان مۇسىلماندارى دٸني باسقارماسى بەكٸتەتٸن بولادى. بۇل تۋرالى ٷكٸمەت وتىرىسىنان كەيٸن ٶتكەن باسپاسٶز مەسليحاتىندا قر ينۆەستيتسييالار جەنە دامۋ مينيسترلٸگٸ تەحنيكالىق رەتتەۋ جەنە مەترولوگييا كوميتەتٸنٸڭ تٶراعاسى عالىمجان دوعالوۆ ايتتى, دەپ حابارلايدى قازاقپارات تٸلشٸسٸ.
كوميتەت تٶراعاسىنا باق ٶكٸلدەرٸ تاراپىنان: «حالال» دەپ بەلگٸلەنگەن تاۋارلار كٶبەيٸپ كەتتٸ. ول ستاندارتتاردى كٸم بەرٸپ جاتىر?», - دەگەن ساۋال قويىلدى.
«بٷگٸنگٸ كٷنٸ بۇل جۇمىسپەن قازاقستان مۇسىلماندارىنىڭ دٸني باسقارماسى اينالىسىپ جاتىر. ولار بٸرقاتار ٶنٸمدەردٸڭ تٷرٸن بەكٸتتٸ. سونىمەن بٸرگە, وسى ستاندارتتاردى بەلگٸلەيتٸن مالايزييالىق دەپارتامەنتپەن جۇمىس جٷرگٸزٸلۋدە. دەمەك, مالايزييالىق تەجٸريبە نەگٸزگە الىنىپ وتىر. سونداي-اق ٶز تاراپىمىزدان سەيكەسٸنشە سەمينارلار ٶتكٸزٸپ, اۋىل شارۋاشىلىعى مينيسترلٸگٸمەن بٸرلەسكەن جوبانى قولعا الدىق», - دەيدٸ كوميتەت تٶراعاسى.
ونىڭ ايتۋىنشا, قازاقستاندا ۇلتتىق اككرەديتتەۋ ورتالىعى بار. سول ورتالىقتا ٶنٸمدەردٸ اككرەديتاتسييادان ٶتكٸزۋگە دە بولادى.
«مەملەكەت تارابى قر دٸن ٸستەرٸ جەنە ازاماتتىق قوعام مينيسترلٸگٸمەن بٸرگە حالال ٶنٸمدەرگە مەملەكەتتٸك-ۇلتتىق ستاندارتتاردى ەنگٸزبەۋ تۋرالى شەشٸم قابىلدادى. ايتىپ ٶتكەنٸمدەي, ٶنٸمنٸڭ حالال ەكەنٸن قازاقستان مۇسىلماندارى دٸني باسقارماسى بەكٸتەتٸن بولادى. قازٸرگٸ تاڭدا قازاقستان مۇسىلماندارى دٸني باسقارماسىنىڭ جانىندا ٶنٸمدٸ اجىراتاتىن ۇيىم جۇمىس ٸستەيدٸ», - دەيدٸ عالىمجان دوعالوۆ.
