ەل-فارابي اتىنداعى قازاق ۇلتتىق ۋنيۆەرسيتەتٸنٸڭ ۇجىمى شىعىس قازاقستان وبلىسىنداعى سۋ تاسقىنىنان زارداپ شەككەن تۇرعىندارعا قارجىلىق كٶمەك كٶرسەتتٸ, دەپ حابارلايدى اتاعان جوعارى وقۋ ورنىنىڭ باسپاسٶز قىزمەتٸ.
قازۇۋ عالىمدارى مەن وقىتۋشىلارى سۋ تاسقىنى كەزٸندە قيىن جاعدايعا تاپ بولعان جاندارعا كٶمەك كٶرسەتۋ ٷشٸن بٸر كٷندٸك ەڭبەك جالاقىلارىن اۋدارۋ جٶنٸندەگٸ جوعارى وقۋ ورنى باسشىلىعى مەن كەسٸپوداق كوميتەتٸنٸڭ ۇسىنىسىن بٸراۋىزدان قولدادى.
«بٸز كٷندەلٸكتٸ جاڭالىقتاردان اپات سالدارىنىڭ قالاي جويىلىپ جاتقانىن كٶرٸپ وتىرمىز, وسى ٶڭٸردٸڭ تۇرعىندارىنىڭ قايعىسىنا ورتاقپىز. ادامدار باسپاناسىز قالدى, مٷلٸكتەرٸنەن ايرىلدى. وسىنداي قيىن تۇستا بٷكٸل ەل ولارمەن بٸرگە ەكەندٸگٸن سەزٸنگەن ٶتە ماڭىزدى», - دەپ اتاپ ٶتتٸ فيلوسوفييا جەنە ساياساتتانۋ فاكۋلتەتٸنٸڭ دەكانى ەلييا ماساليموۆا.
ەشبٸر كافەدرا, ەشبٸر وقىتۋشى, ۋنيۆەرسيتەتتٸڭ ەشبٸر بٶلٸمٸ تىس قالعان جوق. ۋنيۆەرسيتەت قىزمەتكەرلەرٸنٸڭ ماتەريالدىق كٶمەگٸ ارنايى قاراجات ەسەبٸنە اۋدارىلدى, قاراجات جيناۋ جۇمىسى ودان ەرٸ جالعاستىرىلاتىن بولادى.
«بٸز زارداپ شەككەندەردەن الىستامىز, الايدا وسى جينالعان قاراجات ولارعا قانداي دا بٸر جەردەم بولار دەپ ٷمٸتتەنەمٸز. سۋ تاسقىنىنان زارداپ شەككەن اۋدانداردا بٸزدٸڭ كەيبٸر وقىتۋشىلارىمىزدىڭ تۋىسقاندارى مەن تانىستارى تۇرادى, سوندىقتان دا بٸز ولاردىڭ قايعىسىن جەكە باسىمىزدىڭ قايعىسىنداي قابىلدايمىز», - دەدٸ جۋرناليستيكا فاكۋلتەتٸنٸڭ دوتسەنتٸ مارلان نەگٸزباەۆا.
