«استانا» حالىقارالىق قارجى ورتالىعى بيرجاسىندا Euroclear جٷيەسٸ ارقىلى تەڭگەمەن ەۆرووبليگاتسييالار شىعارۋ جوسپارلانىپ وتىر. بۇل تۋرالى بٷگٸن قر ٷكٸمەتٸنٸڭ وتىرىسىندا ەلٸمٸزدٸڭ قارجى مينيسترٸ باقىت سۇلتانوۆ ايتتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«2018 جىلدىڭ 1 قاڭتارىنان مەملەكەتتٸك بورىش 13,5 ترلن تەڭگەنٸ (40,6 ملرد اقش دوللارى) نەمەسە جالپى ٸشكٸ ٶنٸمنٸڭ 26 پايىزىن قۇرادى. 2017 جىلى بيۋدجەتكە بورىشتىق جٷكتەمە كٸرٸستەردٸڭ 15 پايىز ليميتٸندە 8,8 دەڭگەيٸندە قالىپتاستى», - دەدٸ مينيستر.
ونىڭ ايتۋىنشا, ۆاليۋتالىق تەۋەكەلدەردٸ نيۆەليرلەۋ ماقساتىندا 2016-2017 جىلدارى مەملەكەتتٸك باعالى قاعازداردى شىعارۋ ٸشكٸ نارىقتا عانا جٷزەگە اسىرىلدى. سونداي-اق 2016 جىلى مەملەكەت باسشىسىنىڭ تاپسىرماسىنا سەيكەس 2017-2019 جىلدارعا ارنالعان سىرتقى قارىز الۋ قورجىنى وڭتايلاندىرىلدى.
«استانا» حالىقارالىق قارجى ورتالىعى بيرجاسىندا Euroclear جٷيەسٸ ارقىلى تەڭگەمەن ەۆرووبليگاتسييالار شىعارۋ جوسپارلانعان. قارىز الۋ كٶزدەرٸن ەرتاراپتاندىرۋ ماقساتىندا سونداي-اق, يسلام وبليگاتسييالارى سۋكۋكتى شىعارۋ دا جوسپاردا بار», - دەدٸ باقىت سۇلتانوۆ.
سونداي-اق, جيىندا قر ۇلتتىق ەكونوميكا مينيسترٸ تيمۋر سٷلەيمەنوۆ قازاقستاننىڭ مەملەكەتتٸك قارىزدار دەڭگەيٸ ەرەكشە باقىلاۋعا الىناتىندىعىن اتاپ ٶتتٸ.
