«Astana» halyqaralyq qarjy ortalyǵy birjasynda Euroclear júiesi arqyly teńgemen evroobligatsiialar shyǵarý josparlanyp otyr. Bul týraly búgin QR Úkimetiniń otyrysynda elimizdiń Qarjy ministri Baqyt Sultanov aitty, dep habarlaidy Ult.kz tilshisi QazAqparat agenttigine silteme jasap.
«2018 jyldyń 1 qańtarynan memlekettik borysh 13,5 trln teńgeni (40,6 mlrd AQSh dollary) nemese jalpy ishki ónimniń 26 paiyzyn qurady. 2017 jyly biýdjetke boryshtyq júkteme kiristerdiń 15 paiyz limitinde 8,8 deńgeiinde qalyptasty», - dedi ministr.
Onyń aitýynsha, valiýtalyq táýekelderdi nivelirleý maqsatynda 2016-2017 jyldary memlekettik baǵaly qaǵazdardy shyǵarý ishki naryqta ǵana júzege asyryldy. Sondai-aq 2016 jyly Memleket basshysynyń tapsyrmasyna sáikes 2017-2019 jyldarǵa arnalǵan syrtqy qaryz alý qorjyny ońtailandyryldy.
«Astana» halyqaralyq qarjy ortalyǵy birjasynda Euroclear júiesi arqyly teńgemen evroobligatsiialar shyǵarý josparlanǵan. Qaryz alý kózderin ártaraptandyrý maqsatynda sondai-aq, islam obligatsiialary sýkýkty shyǵarý da josparda bar», - dedi Baqyt Sultanov.
Sondai-aq, jiynda QR Ulttyq ekonomika ministri Timýr Súleimenov Qazaqstannyń memlekettik qaryzdar deńgeii erekshe baqylaýǵa alynatyndyǵyn atap ótti.
