اۋىل شارۋاشىلىعى مينيسترلٸگٸندە ساۋدا جەنە ينتەگراتسييا مينيسترلٸگٸ, نۇر-سۇلتان ەكٸمدٸگٸ جەنە قوعامدىق تاماقتانۋ قاۋىمداستىعى ٶكٸلدەرٸنٸڭ قاتىسۋىمەن بيزنەس سۋبەكتٸلەرٸن قانتتىڭ قاجەتتٸ كٶلەمٸمەن قامتاماسىز ەتۋ مەسەلەلەرٸ بويىنشا كەزدەسۋ ٶتتٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
كەزدەسۋگە اۋىل شارۋاشىلىعى ۆيتسە-مينيسترٸ جەڭٸس ٶسەرباي, يسم ساۋدا كوميتەتٸنٸڭ تٶراعاسى ەرجان قازانباەۆ, سونداي-اق قاۋىمداستىق تٶراعاسىنىڭ كەڭەسشٸسٸ ۆەرونيكا نۇرپەيٸسوۆا قاتىستى.
ەسكە سالا كەتەيٸك, كەشە قوعامدىق تاماقتانۋ قاۋىمداستىعى قانتپەن قامتاماسىز ەتۋدەگٸ قيىندىقتارعا بايلانىستى قوعامدىق تاماقتانۋ كەسٸپورىندارىنىڭ بانكروتقا ۇشىراۋى مٷمكٸن ەكەنٸن مەلٸمدەگەن بولاتىن.
تالقىلاۋ قورىتىندىسى بويىنشا شاعىن جەنە ورتا بيزنەستٸ قوسىمشا قولداۋ جەنە قوعامدىق تاماقتانۋ وبەكتٸلەرٸنٸڭ يندۋسترييالىق قانت قاجەتتٸلٸگٸن تولىق قامتاماسىز ەتۋ تۋرالى شەشٸم قابىلداندى.
قوعامدىق تاماقتانۋ وبەكتٸلەرٸنە باسىمدىق بەرە وتىرىپ قانت جەتكٸزۋدٸ ۇيىمداستىرۋ ٷشٸن بٷگٸنگٸ كٷننٸڭ ٸشٸندە ولارعا قاجەتتٸ قانت كٶلەمٸ ايقىندالاتىن بولادى.
بٸرٸنشٸ كەزەڭدە حالىق سانى نەعۇرلىم كٶپ ٷش ايماققا مىڭ توننادان استام قانت جەتكٸزٸلەتٸن بولادى.
«اۋىل شارۋاشىلىعى مينيسترلٸگٸ قانتتىڭ قوسىمشا كٶلەمٸن نۇر-سۇلتان, الماتى جەنە شىمكەنت قالالارىنا جٶنەلتەدٸ. وسى قالالارداعى شاعىن بيزنەس ٶكٸلدەرٸ قانتتىڭ قاجەتتٸ كٶلەمٸن الا الادى. سونداي-اق قاۋىمداستىق باسقا قالالار بويىنشا تٸزٸم جاساپ, قاجەتتٸ قانت كٶلەمٸن ەسەپتەيدٸ. بۇل ورايدا قاۋىمداستىق پەن ەكٸمدٸكتەر اتالعان قانتتى بەرۋ الگوريتمٸن ەزٸرلەيدٸ», — دەدٸ كەڭەس سوڭىندا اۋىل شارۋاشىلىعى ۆيتسە-مينيسترٸ جەڭٸس ٶسەرباي.
