قازاقستاننىڭ ەۋە كومپانييالارى 10 ايدا 7,1 ملن جولاۋشى تاسىمالداعان. بۇل مەلٸمەتتەردٸ ەلەۋمەتتٸك جەلٸدە ازاماتتىق اۆياتسييا كوميتەتٸ تاراتتى, دەپ حابارلايدى "ۇلت اقپارات".
كوميتەت تاراتقان اقپاراتتارعا قاراعاندا, 7 جەلتوقسان بٷكٸل ەلەمدە حالىقارالىق ازاماتتىق اۆياتسييا كٷنٸ رەتٸندە اتالىپ ٶتەدٸ. بۇل مەرەكە يكاو-نىڭ 50 جىلدىعىن مەرەكەلەۋگە بايلانىستى 1994 جىلى قۇرىلدى. 1996 جىلى يكاو-نىڭ باستاماسىمەن بۇۇ اسسامبلەياسى بۇۇ جٷيەسٸنٸڭ اياسىندا 7 جەلتوقساندى حالىقارالىق ازاماتتىق اۆياتسييا كٷنٸ دەپ رەسمي جارييالادى.
حالىقارالىق ازاماتتىق اۆياتسييا كٷنٸن مەرەكەلەۋدٸڭ ماقساتى - مەملەكەتتەردٸڭ ەلەۋمەتتٸك-ەكونوميكالىق دامۋىنداعى حالىقارالىق ازاماتتىق اۆياتسييانىڭ ماڭىزدىلىعى تۋرالى بٷكٸل ەلەمدٸك حاباردار بولۋدى قامتاماسىز ەتۋ جەنە ارتتىرۋ.
«بٸزدٸڭ مەملەكەت 1992 جىلى چيكاگو كونۆەنتسيياسىن راتيفيكاتسييالاۋ ارقىلى يكاو-نىڭ تولىققاندى مٷشەسٸ بولدى. قازٸرگٸ ۋاقىتتا 191 مەملەكەت يكاو-عا مٷشە. ٶتكەن جىلى قازاقستان اۆياتورلارى جولاۋشىلار اعىنىنىڭ تەڭدەسسٸز ٶسۋ كٶرسەتكٸشٸمەن جۇمىستىڭ جوعارى نەتيجەلەرٸن كٶرسەتتٸ - اعىمداعى جىلعى 10 ايدا قازاقستاندىق ەۋە كومپانييالار 7,1 ملن. جولاۋشىنى تاسىمالداعان بولاتىن. بۇل 2018 جىلدىڭ سەيكەس كەزەڭٸنٸڭ كٶرسەتكٸشٸنەن 6% - عا ارتىق (6,7 ملن. جولاۋشى). قازاقستان رەسپۋبليكاسىنىڭ ەۋەجايلارى اعىمداعى جىلدىڭ 10 ايىندا 14,8 ملن. جولاۋشىعا قىزمەت كٶرسەتتٸ, بۇل 2018 جىلدىڭ سەيكەس كەزەڭٸمەن سالىستىرعاندا 9% - عا ارتىق (13,6 ملن. جولاۋشى)», - دەلٸنگەن حابارلامادا.
سونداي-اق حابارلامادا سوڭعى 7 جىلدا ترانزيتتٸك جولاۋشىلار سانى 45 ەسەگە ارتقاندىعى ايتىلادى. مەملەكەت باسشىسىنىڭ «قازاقستاننىڭ ٷشٸنشٸ جاڭعىرۋى: جاھاندىق بەسەكەگە قابٸلەتتٸلٸك» جولداۋىن ورىنداۋ اياسىندا اعىمداعى جىلدىڭ قاڭتار-قازان ايلارىندا ترانزيتتٸك ەۋە جولاۋشىلار سانى 852 مىڭ ادامدى قۇرادى, بۇل ٶتكەن جىلدىڭ سەيكەس كەزەڭٸنٸڭ كٶرسەتكٸشٸنەن 11% – عا ارتىق (2018 ج. - 765 مىڭ) جەنە جىل سوڭىنا دەيٸن 1 ملن. استام ترانزيتتٸك ەۋە جولاۋشىعا جەتكٸزۋ جوسپارلانۋدا.
بٷگٸنگٸ كٷنٸ يكاو ستاندارتتارىنا سەيكەس ۇشۋ قاۋٸپسٸزدٸگٸ دەڭگەيٸ بويىنشا قازاقستان تمد ەلدەرٸ اراسىندا 74% كٶرسەتكٸشٸمەن III ورىندا تۇر. اۆياتسييالىق قاۋٸپسٸزدٸك دەڭگەيٸ 83%, بۇل 2009 جىلعى اۋديت كٶرسەتكٸشٸنەن 21% - عا ارتىق. قازاقستاندا جاقسارتىلعان كٶرسەتكٸش - ورتاشا ەلەمدٸك 72% دەڭگەيدەن 11% اسىپ وتىر. قازاقستاننىڭ اۆياتسييالىق قاۋٸپسٸزدٸك سالاسىنداعى جەتٸستٸكتەرٸ بيىلعى جىلدىڭ 24 قىركٷيەگٸندە يكاو كەڭەسٸنٸڭ ماراپاتىنا يە بولدى.
«100 ناقتى قادام» ۇلت جوسپارىنىڭ 68 قادامىن جٷزەگە اسىرۋ اياسىندا قازاقستان ۇشۋ قاۋٸپسٸزدٸگٸنٸڭ جاڭا ٷلگٸسٸنە كٶشتٸ. اعىمداعى جىلدىڭ 1 تامىزىنان باستاپ «قازاقستاننىڭ اۆياتسييالىق ەكٸمشٸلٸگٸ» اكتسيونەرلٸك قوعامى ٸسكە قوسىلدى. وسى ۇيىمنىڭ نەگٸزگٸ فۋنكتسييالارى ازاماتتىق اۆياتسييا سالاسىنىڭ سۋبەكتٸلەرٸن تەحنيكالىق باقىلاۋ جەنە قاداعالاۋ بولىپ تابىلادى. جاڭا رەتتەۋ جٷيەسٸ ەۋە كٶلٸگٸ سەكتورىنىڭ ٶسۋٸنە ىقپال ەتٸپ, قازاقستاننىڭ اۆياتسييا سالاسىنىڭ جاhاندىق ويىنشى بولۋىنا نەگٸز بولادى.
قازٸرگٸ ۋاقىتتا توعىز وتاندىق ەۋە كومپانييا – «Air Astana», «Prime Aviation», «KazAirJet», «SCAT», «Comlux-KZ», «JetAirlines», «FlyJet.kz», «Euro-AsiaAir» جەنە «Sigma» - EASA اۆتوريزاتسيياسىنان سەتتٸ ٶتتٸ جەنە ەۋروپاعا ۇشۋعا قۇقىلى.
حالىقارالىق باعىتتاردىڭ دامۋى جالعاسۋدا, جىل باسىنان بەرٸ قازاقستاندىق جەنە شەتەلدٸك ەۋە كومپانييالار الماتى-باكۋ, جۋكوۆسكيي-قاراعاندى, جۋكوۆسكيي-كٶكشەتاۋ, جۋكوۆسكيي-پەتروپاۆل, نۇر-سۋلتان-نوۆوسيبيرسك, مەسكەۋ-سەمەي, نۇر-سۋلتان-ۇلان-باتىر, نۇر-سۋلتان-پراگا, نۇر-سۋلتان-توكيو باعىتتارىن اشتى. قازٸرگٸ ۋاقىتتا قازاقستان ەلەمنٸڭ باسقا ەلدەرٸمەن 99 حالىقارالىق باعىت بويىنشا ەۋە قاتىناسىمەن بايلانىسادى.
بيىلعى جىلدىڭ 1 قاراشاسىنان باستاپ نۇر-سۇلتان, الماتى, شىمكەنت, اقتاۋ, قاراعاندى, ٶسكەمەن, پاۆلودار, كٶكشەتاۋ, تاراز, پەتروپاۆل, سەمەي قالالارىنىڭ ەۋەجايلارىندا رەيستەر سانىنا شەكتەۋلەردٸ الىپ تاستاۋدى جەنە شەتەلدٸك ەۋە كومپانييالارىنا قازاقستاندىق تاسىمالداۋشىلار جٷزەگە اسىرمايتىن باعىتتار بويىنشا 5-شٸ «ەۋە ەركٸندٸگٸن» ۇسىنۋدى كٶزدەيتٸن »اشىق اسپان« تەرتٸبٸ ەنگٸزٸلدٸ.
قازاقستان رەسپۋبليكاسى پرەزيدەنتٸنٸڭ تاپسىرماسى بويىنشا ەنگٸزٸلگەن »اشىق اسپان« رەجيمٸ اياسىندا جاڭا حالىقارالىق باعىتتار اشۋ جەنە جاڭا شەتەلدٸك ەۋە كومپانييالاردى تارتۋ بويىنشا قر ييدم قازاقستان رەسپۋبليكاسىنىڭ يوردانيياداعى ەلشٸلٸگٸمەن بٸرلەسٸپ ICAN-2019 حالىقارالىق ٸس-شاراسىندا 13 ەلمەن ەۋە قاتىناسىن كەڭەيتۋ جەنە ازاماتتىق اۆياتسييا سالاسىنداعى ىنتىماقتاستىق مەسەلەسٸ بويىنشا كەلٸسسٶزدەر جٷرگٸزدٸ.
يوردانييا, پولشا, بەلارۋس, فينلياندييا, باحرەين ەۋە كومپانييالارىنا قازاقستاننىڭ 11 ەۋەجايىنا 5-شٸ «ەۋە ەركٸندٸگٸن» پايدالانۋ مٷمكٸندٸگٸمەن رەيستەر سانىنا شەكتەۋلەردٸ الىپ تاستاۋدى كٶزدەيتٸن تۇراقتى ۇشۋلاردى ورىنداۋعا مٷمكٸندٸك بەرٸلدٸ.
مەملەكەت باسشىسىنىڭ تاپسىرماسى بويىنشا بتىل مامىر ايىندا حالىقتىڭ باسىم بٶلٸگٸ ٷشٸن ەۋە كٶلٸگٸنٸڭ قول جەتٸمدٸلٸگٸنە باعىتتالعان العاشقى ۇلتتىق FlyArystan لوۋكوستەرٸ ٸسكە قوسىلدى. FlyArystan ەۋە كومپانيياسى قۇرىلعان سەتتەن باستاپ 600 مىڭنان استام بيلەت ساتىپ ٷلگەردٸ, ونىڭ جارتىسىنان استامى 10 مىڭ تەڭگەدەن تٶمەن باعامەن ساتىلعان.
بٷگٸنگٸ كٷنٸ قازاقستاندا ەۋە كٶلٸگٸ ينفراقۇرىلىمىن جاڭعىرتۋ ٸس جٷزٸندە اياقتالدى - 16 ۇشۋ-قونۋ جولاعى مەن قازاقستان ەۋەجايلارىنىڭ 13 تەرمينالى قايتا جاڭارتىلدى. اعىمداعى جىلدىڭ قازان ايىندا قوستاناي قالاسى ەۋەجايىنىڭ ۇشۋ-قونۋ جولاعىن قايتا جاڭارتۋ جۇمىستارى اياقتالدى جەنە ۋاقىتشا قولدانىسقا بەرٸلدٸ. اعىمداعى جىلدىڭ سوڭىنا دەيٸن بالقاش ەۋەجايىنىڭ ۇشۋ-قونۋ جولاعىن قايتا جاڭارتۋ جۇمىستارى اياقتالادى. تٷركٸستان قالاسىندا حالىقارالىق ەۋەجاي قۇرىلىسى جالعاۋدا.
ٸشكٸ تۋريزمدٸ ىنتالاندىرۋ ٷشٸن شاعىن اۆياتسييانى دامىتۋ بويىنشا شارالار قابىلدانۋدا. بٷگٸنگٸ كٷنٸ جەرگٸلٸكتٸ ەۋە جەلٸلەرٸنٸڭ 3 ەۋەايلاعى (ٷشارال, ٷرجار, زايسان) جۇمىس ٸستەيدٸ. پاۆلودار وبلىسىنىڭ ەكٸمدٸگٸ باياناۋىل ەلدٸ مەكەنٸندە قاتتى جابىندى ەۋەايلاق قۇرىلىسىن اياقتاۋدا. قولدانىسقا بەرۋ كەلەسٸ جىلعا جوسپارلانعان. الداعى 5 جىلدا جەرگٸلٸكتٸ ەۋە جەلٸلەرٸنٸڭ تاعى 13 اەرودرومىن سالۋ كٶزدەلٸپ وتىر.
