زاڭدا بەلگٸلەنگەن شەككە ساي, قازاقستاندىقتاردىڭ يەلٸگٸندەگٸ شوتتاردىڭ 100%-ى قازاقستاننىڭ دەپوزيتتەرگە كەپٸلدٸك بەرۋ قورىنىڭ كەپٸلدٸگٸندە تۇر. بۇل رەتتە قازاقستاندىق بانكتەردەگٸ دەپوزيتتٸك شوتتاردىڭ 99,8%-ى تولىق كٶلەمدە كەپٸلدٸكپەن قورعالعان, دەپ حابارلايدى قازاقپارات.
«2022 جىلى قاڭتاردا تەڭگەلٸك جيناق سالىمدار بويىنشا كەپٸلدٸك بەرٸلگەن ماكسيمالدى ٶتەم سوماسى 15 ملن تەڭگەدەن 20 ملن تەڭگەگە دەيٸن ۇلعايتىلدى. سونداي-اق بٸر بانكتە جيناق سالىمىنان باسقا دەپوزيتتەردٸڭ نەمەسە شەتەل ۆاليۋتاسىندا دەپوزيتٸنٸڭ باسقا تٷرٸ بار سالىمشىلارعا ٶتەماقىنىڭ جالپى سوماسى 20 ملن تەڭگەگە دەيٸن كٶبەيتٸلدٸ.
تەڭگەلٸك دەپوزيتتەردٸڭ اناعۇرلىم يكەمدٸ تٷرلەرٸ, اتاپ ايتقاندا, مەرزٸمدٸ جەنە مەرزٸمسٸز سالىمدار, اعىمداعى شوتتار مەن تٶلەم كارتوچكالارىنداعى اقشالار, سونداي-اق شارتتى سالىمدار مەن تالاپ ەتٸلمەلٸ سالىمدار بويىنشا 10 ملن تەڭگەگە دەيٸن كەپٸلدٸك بەرٸلگەن», - دەپ حابارلادى قوردىڭ باسپاسٶز قىزمەتٸ.
شەتەل ۆاليۋتاسىنداعى دەپوزيتتەردٸڭ كەز كەلگەن تٷرٸ بويىنشا كەپٸلدٸك بەرٸلگەن ماكسيمالدى ٶتەم سوماسى – ۆاليۋتا بالاماسىندا 5 ملن تەڭگە.
بٸرنەشە بانكتە ورنالاسقان دەپوزيتتەر جەكە-جەكە كەپٸلدەندٸرٸلەدٸ. بٸر بانكتە دەپوزيتتەردٸڭ بٸرنەشە تٷرٸ مەن ۆاليۋتاسى بار, سونىڭ ٸشٸندە تەڭگەدەگٸ جيناق سالىمى بار ٸرٸ سالىمشىلار ٷشٸن قوردىڭ جالپى ەڭ جوعارى كەپٸلدٸگٸ (دەپوزيتتٸڭ ەربٸر تٷرٸ ٷشٸن جەكە بەلگٸلەنگەن كەپٸلدٸك ٶتەماقىنىڭ ەڭ جوعارى مٶلشەرٸ شەگٸندە) 20 ملن تەڭگە», - دەلٸنگەن حابارلامادا.
قازٸرگٸ ۋاقىتتا ەكٸ يسلام بانكٸن ەسەپتەمەگەندە, ەلٸمٸزدٸڭ دەپوزيتتەرگە كەپٸلدٸك بەرۋ جٷيەسٸنە قازاقستاندىق ەكٸنشٸ دەڭگەيلٸ 20 بانك كٸرەدٸ.
قدكبق ٶتەم تٶلەۋ ٷشٸن ارنايى رەزەرۆٸن ٷنەمٸ تولىقتىرىپ وتىرادى جەنە كەز كەلگەن سەتتە ٶزٸنە مٸندەتتەمەلەر قابىلداۋعا دايىن. بٷگٸندە قدكبق-نىڭ ارنايى رەزەرۆٸندە ونىڭ جارعىلىق كاپيتالىنىڭ 70%-ىن قوسا ەسەپتەگەندە (ول ٶتەم تٶلەۋگە پايدالانىلۋى مٷمكٸن) 856 ميلليارد تەڭگە جيناقتالعان. جيناقتالعان رەزەرۆتٸڭ كٶلەمٸ جەكە تۇلعالاردىڭ دەپوزيتتٸك بازاسىنىڭ شامامەن 7%-ىن قۇرايدى. بۇل زاڭنامادا كٶزدەلگەن 5%-دىق دەڭگەيدەن جوعارى.
وسىلايشا قازاقستاندىقتاردىڭ جيناق اقشالارى زاڭنامادا بەلگٸلەنگەن كەپٸلدٸك بەرٸلگەن ٶتەم سوماسى دەڭگەيٸندە تولىق قورعالعان.
دەپوزيتتەر بويىنشا كەپٸلدٸكتەر تۋرالى تولىق اقپاراتتى قدكبق-نىڭ kdif.kz سايتىنان جەنە بايلانىس ورتالىعىنىڭ 1460 (قوڭىراۋ شالۋ تەگٸن) قىسقا نٶمٸرٸنەن الۋعا بولادى.
