سۋرەت: اشىق دەرەككٶز
قازاقستاندا ەكەلەر كٷنٸن اتاپ ٶتٸلۋدە.
2023 جىلى ەنگٸزٸلگەن بۇل مەرەكە ەلٸمٸزدە وتباسى قۇندىلىقتارىن ناسيحاتتاپ, ەكەلەر ينستيتۋتىن نىعايتۋدا ماڭىزدى قادام بولدى. بالا تەربيەسٸندە قاشاندا ەكەنٸڭ رٶلٸ ٶتە زور جەنە مەملەكەتتٸك ساياساتتىڭ نەگٸزگٸ مٸندەتتەرٸنٸڭ بٸرٸ دە – وسى.
بٷگٸندە "ەكەلەر وداعىنىڭ" ەلٸمٸزدٸڭ 12 ٶڭٸرٸندە فيليالى جۇمىس ٸستەيدٸ. سونداي-اق استانانىڭ ەر مەكتەبٸندە ارنايى ٶكٸلدٸگٸ بار. ولاردىڭ بالالاردى قولداۋعا جەنە دەنساۋلىعىن نىعايتۋعا باعىتتالعان يۋنيسەف جوبالارىنا قاتىسۋى قوعامعا شىنايى قىزمەت ەتۋدٸڭ جارقىن ٷلگٸسٸ.
وسى كٷزدە IX رەسپۋبليكالىق ەكەلەر فورۋمى ٶتەدٸ. بۇل ٸس-شارا قازاقستانداعى ەكەلەر ينستيتۋتىنىڭ دامۋى مەن وتباسى ساياساتىنىڭ ٶزەكتٸ مەسەلەلەرٸن تالقىلاۋعا ارنالعان ماڭىزدى الاڭعا اينالادى دەپ سەنەمٸز.
مەرەكە اياسىندا بٷكٸل ەل بويىنشا 600-دەن استام ٸس-شارا جوسپارلانعان.
«فورۋمدار, «ەكە – مەنٸڭ قورعانىم», «مەنٸڭ ەكەم – ماقتانىشىم» سۋرەتتەر كونكۋرسى, سپورتتىق جارىستار ۇيىمداستىرىلادى. سونىمەن قاتار ەلەۋمەتتٸك جەلٸلەردە «مەنٸڭ ەكەم – ەڭ جاقسى ادام» اكتسيياسى باستالادى»,-دەلٸنگەن قر مەدەنيەت جەنە اقپارات مينيسترلٸگٸ تاراتقان مەلٸمەتتە.
ايتا كەتەيٸك, قر ٷكٸمەتٸنٸڭ باسشىسى 2023 جىلعى 1 ماۋسىمدا قول قويعان جارلىققا سەيكەس قازاقستاندا ەكەلەر كٷنٸ ماۋسىم ايىنىڭ ٷشٸنشٸ جەكسەنبٸسٸندە اتالىپ ٶتەدٸ. وتباسى قۇندىلىقتارىن دەرٸپتەۋ, وتباسى جەنە تەربيە ينستيتۋتىن نىعايتۋ ماقساتىندا ەلەمنٸڭ كٶپتەگەن ەلدەرٸندە اتالىپ ٶتەتٸن «انالار كٷنٸ» جەنە «ەكەلەر كٷنٸ» رەسمي مەرەكەلەرٸ بٸزدٸڭ ەلٸمٸزدە دە بەكٸتٸلگەن (انالار كٷنٸ – مامىردىڭ ەكٸنشٸ جەكسەنبٸسٸ, ەكەلەر كٷنٸ – ماۋسىمنىڭ ٷشٸنشٸ جەكسەنبٸسٸ).
