Sýret: ashyq derekkóz
Qazaqstanda Ákeler kúnin atap ótilýde.
2023 jyly engizilgen bul mereke elimizde otbasy qundylyqtaryn nasihattap, ákeler institýtyn nyǵaitýda mańyzdy qadam boldy. Bala tárbiesinde qashanda ákeniń róli óte zor jáne memlekettik saiasattyń negizgi mindetteriniń biri de – osy.
Búginde "Ákeler odaǵynyń" elimizdiń 12 óńirinde filialy jumys isteidi. Sondai-aq Astananyń ár mektebinde arnaiy ókildigi bar. Olardyń balalardy qoldaýǵa jáne densaýlyǵyn nyǵaitýǵa baǵyttalǵan IýNISEF jobalaryna qatysýy qoǵamǵa shynaiy qyzmet etýdiń jarqyn úlgisi.
Osy kúzde IX Respýblikalyq Ákeler forýmy ótedi. Bul is-shara Qazaqstandaǵy ákeler institýtynyń damýy men otbasy saiasatynyń ózekti máselelerin talqylaýǵa arnalǵan mańyzdy alańǵa ainalady dep senemiz.
Mereke aiasynda búkil el boiynsha 600-den astam is-shara josparlanǵan.
«Forýmdar, «Áke – meniń qorǵanym», «Meniń ákem – maqtanyshym» sýretter konkýrsy, sporttyq jarystar uiymdastyrylady. Sonymen qatar áleýmettik jelilerde «Meniń ákem – eń jaqsy adam» aktsiiasy bastalady»,-delingen QR Mádeniet jáne aqparat ministrligi taratqan málimette.
Aita keteiik, QR Úkimetiniń basshysy 2023 jylǵy 1 maýsymda qol qoiǵan jarlyqqa sáikes Qazaqstanda Ákeler kúni maýsym aiynyń úshinshi jeksenbisinde atalyp ótedi. Otbasy qundylyqtaryn dáripteý, otbasy jáne tárbie institýtyn nyǵaitý maqsatynda álemniń kóptegen elderinde atalyp ótetin «Analar kúni» jáne «Ákeler kúni» resmi merekeleri bizdiń elimizde de bekitilgen (Analar kúni – mamyrdyń ekinshi jeksenbisi, Ákeler kúni – maýsymnyń úshinshi jeksenbisi).
