قر بٸلٸم جەنە عىلىم مينيسترلٸگٸ عىلىم كوميتەتٸنٸڭ تٶرايىمى جاننا قۇرمانعاليەۆا ۆاكتسينا ەزٸرلەپ جاتقان بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتى عالىمدارىنىڭ جۇمىس جاعدايىن ايتىپ بەردٸ, دەپ حابارلايدى "ۇلت اقپارات".
«عالىمداردىڭ ەڭبەكاقىسىن كٶتەرۋگە قاراجات بٶلٸندٸ. رەسپۋبليكالىق بيۋدجەت كوميسسيياسى جاقىندا ٶتتٸ جەنە بۇل شارانى قولدادى. ينستيتۋتتىڭ عىلىمي قىزمەتكەرلەرٸنٸڭ ورتاشا جالاقىسى 325 مىڭ تەڭگەدەن باستالادى. ەكٸمشٸلٸك جەنە قىزمەت كٶرسەتۋ پەرسونالىنىڭ جالاقىسى 250 مىڭ تەڭگەگە دەيٸن بولادى», - دەدٸ قۇرمانعاليەۆا ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ول بيولوگييالىق قاۋٸپسٸزدٸكتٸ قامتاماسىز ەتۋ مەسەلەلەرٸن عىلىمي زەرتتەۋگە 2022-2024 جىلدارى 2,8 ميلليارد تەڭگە (جىلىنا ميلليارد تەڭگەدەن) بٶلٸنگەنٸن اتاپ ٶتتٸ.
«ينستيتۋت جانىندا عزي قىزمەتكەرلەرٸنە ارنالعان ٷش ٷي, جالپى كٶلەمٸ 180 پەتەر سالىنىپ جاتىر. جۋىردا عانا وسى 180 پەتەرگە تۇرمىستىق تەحنيكا, جيھاز جەنە ٶزگە دە جابدىقتار ساتىپ الۋعا رەسپۋبليكالىق بيۋدجەتتەن 293 ميلليون تەڭگە بٶلٸندٸ. بٸزدٸڭ عالىمدار مەن ينستيتۋت قىزمەتكەرلەرٸ وسى پەتەرلەرگە كٸرگەندە جايلى ٶمٸر سٷرۋ ٷشٸن بارلىق قاجەتتٸ زاتتارمەن قامتاماسىز ەتٸلەدٸ», - دەپ اتاپ ٶتتٸ قۇرمانعاليەۆا.
