فوتو: اشىق دەرەككٶز
«شاتىرداعى ەكەۋ» فيلمٸ رەسەيدە ٶتكەن «ۆ كرۋگۋ سەمي» حالىقارالىق كينوفەستيۆالٸ اياسىندا قازىلار القاسىنىڭ ارنايى جٷلدەسٸنە يە بولدى, دەپ حابارلايدى Ult.kz.
فيلم قر مەدەنيەت جەنە اقپارات مينيسترلٸگٸ مەن ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن تٷسٸرٸلگەن. كارتينا ۇلتتىق بولمىسىمەن جەنە مازمۇنىمەن ەرەكشەلەنٸپ, جوعارى باعالاندى.
2025 جىلى فەستيۆال رەكوردتىق كٶرسەتكٸشكە قول جەتكٸزدٸ. وعان 121 ەلدەن 2500-دەن استام فيلمگە ٶتٸنٸم تٷستٸ. ولاردىڭ قاتارىندا قىتاي, تٷركييا, وڭتٷستٸك كورەيا, يتالييا, ٷندٸستان, يران, مەكسيكا, سولتٷستٸك ماكەدونييا ەلدەرٸنٸڭ تۋىندىلارى بار. سونىمەن قاتار, فەستيۆال تاريحىندا العاش رەت ەفيوپييا مەن سەنەگالدان دا فيلمدەر قابىلدانعان. بايقاۋ باعدارلاماسىنا 36 ەلدەن كەلگەن تولىقمەتراجدى جەنە قىسقامەتراجدى فيلمدەر ەندٸ.
فەستيۆالدە فيلمنٸڭ تٷپنۇسقا مۋزىكا اۆتورى, كومپوزيتور ۆيكتور سولوگۋب تانىستىردى. كومپوزيتور ماراپاتتى بٷكٸل تٷسٸرٸلٸم توبىنىڭ اتىنان قابىلداپ, تولقىنىسىن جەتكٸزدٸ. سونىمەن قاتار حيكايانىڭ ەرەكشە قاجەتتٸلٸكتەرٸ بار ادامداردى تەرەڭٸرەك تٷسٸنۋگە جەنە قابىلداۋعا سەپتٸگٸن تيگٸزەتٸنٸن اتاپ ٶتتٸ.
«شاتىرداعى ەكەۋ» – رەجيسسەر گٷلشات سماعۇلوۆانىڭ تۇڭعىش رەجيسسەرلٸك دەبيۋتٸ.
تۋىندى تاعدىرى قيىندىققا تولى جاس جٸگٸت دامير مەن اۋتيزم دەرتٸنە شالدىققان جاسٶسپٸرٸم كوستيانىڭ اراسىنداعى دوستىقتى باياندايدى. شىعارماشىلىق توپ كارتينادا ينكليۋزييانىڭ ماڭىزىن جەنە ەرەكشە بالالاردىڭ قوعامعا بەيٸمدەلۋ مەسەلەسٸن كٶتەرگەن. تٷسٸرٸلٸم بيىل كٶكتەمدە الماتى قالاسى مەن الماتى وبلىسى تالعار اۋدانىندا ٶتتٸ. فيلم قازاق جەنە ورىس تٸلدەرٸندە ٶتكەن جىلى پروكاتقا شىقتى.
ەسكە سالا كەتەيٸك, بۇعان دەيٸن «گراجدانە كرىشي» حانتى-مانسييسك قالاسىندا ٶتكەن XXIII حالىقارالىق كينو-دەبيۋتتار فەستيۆالٸندە «دۋشا روسسيي. ميروۆوە كينو» نوميناتسيياسىندا جەڭٸسكە جەتكەن بولاتىن.
سونداي-اق تۋىندى ٷندٸستانداعى «زولوتوي لەۆ» حالىقارالىق كينوفەستيۆالٸ اياسىندا بٸردەن ەكٸ ماراپاتقا يە بولدى. ولار – «ٷزدٸك حالىقارالىق تولىقمەتراجدى فيلم» جەنە «دەبيۋتتٸك فيلم ٷشٸن ٷزدٸك رەجيسسۋرا» نوميناتسييالارى.
بۇدان بٶلەك, فيلم مەسكەۋدە ٶتكەن Fashion Film Festival فەستيۆالٸندە توعىز جٷلدە جەڭٸپ الدى.
