Foto: ashyq derekkóz
«Shatyrdaǵy ekeý» filmi Reseide ótken «V krýgý semi» halyqaralyq kinofestivali aiasynda qazylar alqasynyń arnaiy júldesine ie boldy, dep habarlaidy Ult.kz.
Film QR Mádeniet jáne aqparat ministrligi men Ulttyq kinony qoldaý memlekettik ortalyǵynyń qoldaýymen túsirilgen. Kartina ulttyq bolmysymen jáne mazmunymen erekshelenip, joǵary baǵalandy.
2025 jyly festival rekordtyq kórsetkishke qol jetkizdi. Oǵan 121 elden 2500-den astam filmge ótinim tústi. Olardyń qatarynda Qytai, Túrkiia, Ońtústik Koreia, Italiia, Úndistan, Iran, Meksika, Soltústik Makedoniia elderiniń týyndylary bar. Sonymen qatar, festival tarihynda alǵash ret Efiopiia men Senegaldan da filmder qabyldanǵan. Baiqaý baǵdarlamasyna 36 elden kelgen tolyqmetrajdy jáne qysqametrajdy filmder endi.
Festivalde filmniń túpnusqa mýzyka avtory, kompozitor Viktor Sologýb tanystyrdy. Kompozitor marapatty búkil túsirilim tobynyń atynan qabyldap, tolqynysyn jetkizdi. Sonymen qatar hikaianyń erekshe qajettilikteri bar adamdardy tereńirek túsinýge jáne qabyldaýǵa septigin tigizetinin atap ótti.
«Shatyrdaǵy ekeý» – rejisser Gúlshat Smaǵulovanyń tuńǵysh rejisserlik debiýti.
Týyndy taǵdyry qiyndyqqa toly jas jigit Damir men aýtizm dertine shaldyqqan jasóspirim Kostianyń arasyndaǵy dostyqty baiandaidy. Shyǵarmashylyq top kartinada inkliýziianyń mańyzyn jáne erekshe balalardyń qoǵamǵa beiimdelý máselesin kótergen. Túsirilim biyl kóktemde Almaty qalasy men Almaty oblysy Talǵar aýdanynda ótti. Film qazaq jáne orys tilderinde ótken jyly prokatqa shyqty.
Eske sala keteiik, buǵan deiin «Grajdane kryshi» Hanty-Mansiisk qalasynda ótken XXIII halyqaralyq kino-debiýttar festivalinde «Dýsha Rossii. Mirovoe kino» nominatsiiasynda jeńiske jetken bolatyn.
Sondai-aq týyndy Úndistandaǵy «Zolotoi lev» halyqaralyq kinofestivali aiasynda birden eki marapatqa ie boldy. Olar – «Úzdik halyqaralyq tolyqmetrajdy film» jáne «Debiýttik film úshin úzdik rejissýra» nominatsiialary.
Budan bólek, film Máskeýde ótken Fashion Film Festival festivalinde toǵyz júlde jeńip aldy.
