فوتو: قر تسم
شىمكەنتتە ٶتٸپ جاتقان سپورتتىق وق اتۋ بويىنشا XVI ازييا چەمپيوناتىندا قازاقستان قۇراماسى تابىستى ٶنەر كٶرسەتۋدە. 16–30 تامىز ارالىعىندا ٶتەتٸن دودادا 21 تامىزعا دەيٸن ۇلتتىق قۇراما قورجىنىندا 9 جٷلدە بار: 2 التىن, 1 كٷمٸس جەنە 6 قولا, دەپ حابارلايدى Ult.kz.
العاشقى التىندى الماتىلىق, پاريج-2024 وليمپياداسىنىڭ قولا جٷلدەگەرٸ يسلام سەتپاەۆ 10 مەترلٸك پنەۆماتيكالىق ۆينتوۆكادا جەڭٸپ الدى. ول قىتاي مەن كورەيا سپورتشىلارىن ارتتا قالدىرىپ, ازييا چەمپيونى اتاندى.
ەكٸنشٸ التىندى يۋنيورلار اراسىنداعى «سكيت» جاتتىعۋىندا الماتىلىق ارتيوم سەدەلنيكوۆ يەلەندٸ. ول شەشۋشٸ سەتتە ٷندٸستان سپورتشىلارىنان باسىم تٷستٸ.
سونىمەن قاتار, ەيەلدەر اراسىنداعى «سكيت» جاتتىعۋىندا اناستاسييا مولچانوۆا قولا مەدال الدى, ال قازاقستاننىڭ ەيەلدەر قۇراماسى (ولگا حايلوۆا, ادەل ساداقباەۆا, اناستاسييا مولچانوۆا) كٷمٸس جٷلدەگەر اتاندى.
جاسٶسپٸرٸمدەر اراسىندا پنەۆماتيكالىق تاپانشادان كوماندالىق ەسەپتە قازاقستاندىقتار بٸرقاتار قولا مەدال ولجالادى. اتاپ ايتقاندا, كيريلل فەدكين, رامازان ىنتىقباي, كيريلل تسۋكانوۆ, سونداي-اق سەۋلە ەلٸمبەك, كريستينا ۋستينوۆا, اسىلىم جاكييا جەنە كيرا ۆلاديميروۆا, اليسا كرادەنوۆا, سوفيا جۋكوۆا ٷزدٸك ٷشتٸككە ەندٸ.
سونداي-اق, ارالاس جارىستاردا (پپ-ميكس) يۋنيورلار اراسىندا كيريلل فەدكين مەن سەۋلە ەلٸمبەك, ال باسقا سىندا دانييل سميرنوۆ پەن اليسا كرادەنوۆا تاعى ەكٸ قولا جٷلدەنٸ قورجىنعا قوستى.
ايتا كەتەيٸك, چەمپيوناتقا 27 ەلدەن 800-دەن اسا سپورتشى قاتىسۋدا. جارىس بارىسىندا 700-دەن استام مەدال ساراپقا سالىنادى. تۋرنيردٸ قازاقستان سپورتتىق وق اتۋ فەدەراتسيياسى قر تۋريزم جەنە سپورت مينيسترلٸگٸنٸڭ قولداۋىمەن ۇيىمداستىرعان.
