Foto: QR TSM
Shymkentte ótip jatqan sporttyq oq atý boiynsha XVI Aziia chempionatynda Qazaqstan quramasy tabysty óner kórsetýde. 16–30 tamyz aralyǵynda ótetin dodada 21 tamyzǵa deiin ulttyq qurama qorjynynda 9 júlde bar: 2 altyn, 1 kúmis jáne 6 qola, dep habarlaidy Ult.kz.
Alǵashqy altyndy almatylyq, Parij-2024 Olimpiadasynyń qola júldegeri Islam Sátpaev 10 metrlik pnevmatikalyq vintovkada jeńip aldy. Ol Qytai men Koreia sportshylaryn artta qaldyryp, Aziia chempiony atandy.
Ekinshi altyndy iýniorlar arasyndaǵy «skit» jattyǵýynda almatylyq Artiom Sedelnikov ielendi. Ol sheshýshi sátte Úndistan sportshylarynan basym tústi.
Sonymen qatar, áielder arasyndaǵy «skit» jattyǵýynda Anastasiia Molchanova qola medal aldy, al Qazaqstannyń áielder quramasy (Olga Hailova, Adel Sadaqbaeva, Anastasiia Molchanova) kúmis júldeger atandy.
Jasóspirimder arasynda pnevmatikalyq tapanshadan komandalyq esepte qazaqstandyqtar birqatar qola medal oljalady. Atap aitqanda, Kirill Fedkin, Ramazan Yntyqbai, Kirill Tsýkanov, sondai-aq Sáýle Álimbek, Kristina Ýstinova, Asylym Jakiia jáne Kira Vladimirova, Alisa Kradenova, Sofia Jýkova úzdik úshtikke endi.
Sondai-aq, aralas jarystarda (PP-miks) iýniorlar arasynda Kirill Fedkin men Sáýle Álimbek, al basqa synda Daniil Smirnov pen Alisa Kradenova taǵy eki qola júldeni qorjynǵa qosty.
Aita keteiik, chempionatqa 27 elden 800-den asa sportshy qatysýda. Jarys barysynda 700-den astam medal sarapqa salynady. Týrnirdi Qazaqstan sporttyq oq atý federatsiiasy QR Týrizm jáne sport ministrliginiń qoldaýymen uiymdastyrǵan.
