ەلوردادا ٶتٸپ جاتقان قازاقستاندىق-امەريكالىق بيزنەس فورۋم اياسىندا بٸرقاتار كەلٸسٸم رەسٸمدەلدٸ, دەپ حابارلايدى قازاقپارات تٸلشٸسٸ.
فورۋم بارىسىندا اۋىل شارۋاشىلىعى, ينفراقۇرىلىم, اۆياقۇرىلىس, تسيفرلاندىرۋ جەنە اقپاراتتىق تەحنولوگييالار سالالارىن قامتيتىن 8 ەكٸجاقتى قۇجاتقا قول قويىلدى. اتالعان قۇجاتتى رەسٸمدەۋشٸلەر قاتارىندا امەريكالىق تاراپتان Valmont, MasterCard, Honeywell جەنە Sierra Nevada Corporation كومپانييالارىنىڭ ٶكٸلدەرٸ بولدى.
«ەكونوميكانى كەڭەيتۋدە تابىستى جەتٸستٸكتەر بار ەكەنٸن بٸلەمٸز. مۇنى حالىقارالىق ۆاليۋتا قورى دا راستاپ وتىر. ول 2016-2019 جىلدارداعى ەكونوميكا ٶسٸمٸن اتاپ ٶتتٸ. ەكونوميكانىڭ شيكٸزاتتىق ەمەس سەكتورىنا قاتىستى ايتار بولساق, وندا بٸز ٶنٸمدەردٸ ەرتاراپتاندىرۋ ماقساتىنا قول جەتكٸزٸپ قالدىق. 2018 جىلى سىرتقى ساۋدا 20 پايىزعا ٶستٸ. بٸز ساۋدا-ساتتىقتى 100 ملرد دوللارعا جەتكٸزۋگە نيەتتٸمٸز. تولىقتاي العاندا, بٸزدٸڭ ەكونوميكامىز دا, ساۋدا-ساتتىعىمىز دا شەتەلدٸك ەرٸپتەستەردٸڭ قىزىعۋشىلىعىن تۋعىزىپ وتىر. سونداي-اق, تٸكەلەي شەتەل ينۆەستيتسيياسىنىڭ قۇيىلۋى 15 پايىزدان اسىپ كەتتٸ», - دەپ اتاپ ٶتتٸ قر پرەمەر-مينيسترٸنٸڭ بٸرٸنشٸ ورىنباسارى اسقار مامين.
ايتا كەتەيٸك, فورۋم جۇمىسىنا اقش ساۋدا مينيسترٸ ۋيلبۋر روسس پەن قر پرەمەر-مينيسترٸنٸڭ بٸرٸنشٸ ورىنباسارى اسقار مامين, 20-دان استام امەريكالىق كومپانييانىڭ باسشىلارى, قازاقستاندىق بيزنەس ٶكٸلدەرٸ, مينيسترلٸكتەر مەن ۆەدومستۆو باسشىلارى قاتىستى.
ەستەرٸڭٸزگە سالا كەتسەك, اقش-تىڭ ساۋدا مينيسترٸ ۋيلبۋر روسس ەلٸمٸزگە ساپارى اياسىندا ەلباسى نۇرسۇلتان نازارباەۆپەن كەزدەسٸپ, سونىمەن بٸرگە قر پرەمەر-مينيسترٸ باقىتجان ساعىنتاەۆپەن ەكونوميكالىق ىنتىماقتاستىق مەسەلەلەرٸن تالقىلادى.
