XXI عاسىر – جاھاندىق رۋحاني گەوستراتەگييالىق كەڭٸستٸكتەگٸ دٸلدەر (مەنتاليتەتتەر) اراسىنداعى تايتالاس كەزەڭٸ. رۋحاني گەوستراتەگييالىق كەڭٸستٸك دەگەنٸمٸز ادامزات ساناسىنىڭ دامۋىنا, ادام مەن قوعام, قوعام مەن تابيعات قاتىناستارىنا ىقپال ەتەتٸن ەلەمدٸك قاۋىمداستىقتىڭ ورتاق مەدەني, اقپاراتتىق, عىلىمي, دٸني كەڭٸستٸگٸ. XXI عاسىردا ەسكەري كٷشتەر تابيعي رەسۋرستاردى باقىلاۋ ٷشٸن جٷرگٸزٸلەتٸن قاقتىعىستاردى ۇمىتتى. ولاردىڭ قاقتىعىستارى ماتەريالدىق ەمەس, رۋحاني قۇندىلىقتاردى, ونىڭ ٸشٸندە ادام پسيحيكاسىن (ٸشكٸ سەزٸمٸ مەن كٶڭٸل-كٷيٸن) كٶزدەيتٸن جاسىرىن كٷرەس سيپاتىنا يە بولىپ كەلەدٸ. ازاماتتارىمىز بۇل شىندىقتى دەر كەزٸندە اڭعارىپ ۇعىنباسا, رۋحاني (ادامگەرشٸلٸك, پاراساتتىلىق پەن سۇلۋلىققا قۇشتارلىق) قاجەتتٸلٸكتەردٸڭ ٷستەمدٸگٸ مەن باسىمدىلىعىن مويىنداماسا, ەلەمدٸك ٷدەرٸستەردٸڭ قۇربانىنا اينالارى سٶزسٸز.
سوڭعى گەوساياسي تايتالاستار بارىسىندا قوعامنىڭ رۋحاني دامۋىنا ەسەر ەتۋ ارقىلى كٶپشٸلٸك ساناسىن ٶز ەركٸنە بەيٸمدەۋگە ىڭعاي تانىتىپ وتىرعان بەسەكەلەس مەملەكەتتەردٸڭ بەلسەندٸلٸگٸ ارتتى. گەوساياساتتىڭ نەگٸزگٸ فاكتورلارىنىڭ بٸرٸ – رۋحانييات. قاشان دا كەز كەلگەن مەملەكەت دامۋ ماقساتىندا ەل ٸشٸندەگٸ كونفەسسيياارالىق كەلٸسٸمدٸ ساقتاي وتىرىپ, ٶزگە ەلدەردٸڭ دٸن سالاسىنا ىقپال ەتۋدٸ كٶزدەيدٸ. ولاردىڭ تٷپكٸ ماقساتى – تٷرلٸ كونفەسسييالاردىڭ راديكالدى ٶكٸلدەرٸنە قولداۋ كٶرسەتۋ ارقىلى قوعامداعى ٷدەرٸستەرگە ىقپال ەتٸپ, ەل ٸشٸندە جەنە ەلەمدە تۇراقسىزدىق تۋىنداتقىزۋ ارقىلى ٶزدەرٸنٸڭ قالاۋى بويىنشا ٶزگەرٸپ وتىراتىن حاوس (بەيبەرەكەتتٸلٸك) جٷيەسٸن قۇرۋ سانالادى. سول سەبەپتەن دە, ەلدٸ رۋحاني داعدارىستاردان امان الىپ قالۋ, رۋحاني قاۋٸپسٸزدٸگٸن قامتاماسىز ەتۋ ۇلتتىق قاۋٸپسٸزدٸكتٸڭ الدىڭعى قاتارداعى باستى مەسەلەلەرٸنٸڭ بٸرٸ.
قازاقستان رەسپۋبليكاسىنىڭ ۇلتتىق قاۋiپسiزدiگٸنٸڭ وبەكتiلەرiنە ادام, ونىڭ ٶمٸرٸ, قۇقىقتارى مەن بوستاندىقتارى; قوعام, ونىڭ ماتەريالدىق جەنە رۋحاني قۇندىلىقتارى; مەملەكەت, ونىڭ كونستيتۋتسييالىق قۇرىلىسى جاتادى. ولاردىڭ قاۋٸپسٸزدٸگٸ قوعامدىق, ەسكەري, ساياسي, ەكونوميكالىق, اقپاراتتىق, ەكولوگييالىق قاۋٸپسٸزدٸككە نەگٸزدەلگەن. قوعامدىق قاۋiپسiزدiكتi قامتاماسىز ەتۋدٸڭ 10 تارماعىنىڭ بٸرٸ قوعامنىڭ تاريحي, دەستٷرلٸ, رۋحاني جەنە مەدەني قۇندىلىقتارىنىڭ ساقتالۋىن قامتاماسىز ەتۋگە باعىتتالعان. قازاقستاننىڭ ۇلتتىق قاۋٸپسٸزدٸگٸنٸڭ نەگٸزگٸ 19 قاۋٸپ-قاتەرلەرٸنٸڭ بٸرٸنە قازاقستان رەسپۋبليكاسى حالقىنىڭ مەدەني جەنە رۋحاني مۇراسىنان ايىرىلۋى جاتادى. اتالمىش قاۋٸپ-قاتەرلەردٸڭ الدىن الۋ ماقساتىندا مەملەكەت قوعامنىڭ تاريحي-مەدەني جەنە رۋحاني-يماندىلىق قۇندىلىقتارىن ساقتاۋدى, مەملەكەتتٸك تٸلدٸڭ جەنە باسقا دا تٸلدەردٸڭ سەرپٸندٸ دامۋىن, ٸشكٸ ساياسي تۇراقتىلىقتى جەنە ەتنوسارالىق كەلٸسٸمدٸ نىعايتۋدى قامتاماسىز ەتٸپ كەلەدٸ.
قازاقستان رەسپۋبليكاسىنىڭ نەگٸزگٸ 18 ۇلتتىق مٷددەلەرiنٸڭ قاتارىندا قوعامنىڭ ماتەريالدىق جەنە رۋحاني-يماندىلىق قۇندىلىقتارىن ساقتاۋ مەن ەسەلەي تٷسۋ مٷددەسٸ ورىن العان. اتالمىش ۇلتتىق مٷددە قوعامنىڭ مەدەني, دٸني, عىلىمي, بٸلٸم بەرۋ, اقپاراتتىق, يدەولوگييالىق, پسيحولوگييالىق قاۋٸپسٸزدٸكتەرٸن قامتيتىن جٷيەلٸ, تۇتاس, جالپىعا ورتاق, بٸرەگەي رۋحاني قاۋٸپسٸزدٸك سالاسىنا جاتادى. رۋحاني قاۋٸپسٸزدٸكتٸ تەك دٸني نەمەسە مەدەني قاۋٸپسٸزدٸك دەپ تٷسٸنۋگە بولمايدى. رۋحاني قاۋٸپسٸزدٸكتٸ ۇلتتىق قاۋٸپسٸزدٸكتٸڭ بٸر تارماعى بولىپ تابىلاتىن قوعامدىق قاۋٸپسٸزدٸكتٸڭ بٸر سالاسى رەتٸندە قاراستىرعان جٶن. رۋحاني قاۋٸپسٸزدٸك قوعامنىڭ زاماناۋي رۋحانيياتىنىڭ, تۇلعا, قوعام مەن مەملەكەت مٷددەلەرٸنٸڭ ساقتالعاندىعىنىڭ, دەستٷرلٸ رۋحاني قۇندىلىقتاردىڭ (ادامگەرشٸلٸك, پاراساتتىلىق, سۇلۋلىق), ەسٸرەسە تۇلعا, توپ جەنە كٶپشٸلٸك ساناسىنىڭ سىرتقى جەنە ٸشكٸ قاۋٸپ-قاتەرلەردەن قورعالعاندىعىنىڭ جاي-كٷيٸ بولىپ تابىلادى. رۋحاني قاۋٸپسٸزدٸكتٸڭ وبەكتٸلەرٸنە ۇلتتىق سانا-سەزٸم, قوعام ٶمٸرٸنٸڭ جالپىعا ورتاق دەستٷرلەرٸ, مەملەكەتتٸڭ سىرتقى جەنە ٸشكٸ ساياساتىن قولداۋ قىزمەتٸندە كٶرٸنٸس تاباتىن ۇلتتىڭ مورالدىق-پسيحولوگييالىق بٸرلٸگٸ جاتادى. رۋحاني قاۋٸپسٸزدٸكتٸ قامتاماسىز ەتۋ تەك مەملەكەتتٸك مەكەمەلەر مەن ورگانداردىڭ ايرىقشا قۇزىرەتٸ عانا ەمەس. ونىڭ سۋبەكتٸلەرٸنە سونىمەن قاتار قوعامنىڭ وتانسٷيگٸش ازاماتتارى مەن ينستيتۋتتارى, بۇقارالىق اقپارات قۇرالدارى جاتادى. رۋحاني قاۋٸپسٸزدٸكتٸ قامتاماسىز ەتۋ ۇلتتىڭ رۋحاني قۇندىلىقتارىن ساقتاپ بايىتا تٷسۋدٸ كٶزدەيتٸن قوعامنىڭ بارلىق پاتريوتتىق كٷشتەرٸ مەن بەلسەندٸ زييالىلارىنىڭ ماقساتتى تٷردەگٸ قىزمەتٸ بولىپ تابىلادى. بۇل قىزمەت ەلەۋمەتتٸك مەسەلەلەر كەشەندٸ ەرٸ جٷيەلٸ تٷردە زەردەلەنگەن جاعدايدا عانا تيٸمدٸ بولماق.
قوعامنىڭ رۋحاني دامۋىنىڭ كەپٸلٸ ۇلتتىق قۇندىلىقتار بولىپ تابىلادى. ۇلتتىق قۇندىلىقتار ماتەريالدىق جەنە رۋحاني قۇندىلىقتاردان قۇرالادى. قوعامنىڭ رۋحاني قۇندىلىقتارىنا تٸل, دٸن, سالت-دەستٷر, ٶنەر, دٷنيەتانىم مەن تاريح جاتسا, جەكە تۇلعانىڭ رۋحاني قۇندىلىقتارىنا ادام دەنساۋلىعى, پسيحيكاسى, ساناسى, تٸلٸ, دٷنيەتانىمى مەن دٸني كٶزقاراسى, ماتەريالدىق ەل-اۋقاتى جاتادى. رۋحاني قۇندىلىقتار ادامنىڭ رۋحانيياتىن قۇرايدى. رۋحانييات – راتسيونالدى زايىرلىلىق پەن يرراتسيونالدى دٸندارلىقتىڭ تەپە-تەڭ ٷيلەسٸمٸ. رۋحانيياتتى دٸنسٸز تٷسٸنۋ مٷمكٸن ەمەس. دەگەنمەن رۋحانييات پەن دٸندارلىقتى بٸر-بٸرٸنە تەڭەستٸرٸپ قاراستىرۋ دا ورىنسىز. رۋحانييات – ادامنىڭ كٶڭٸل-كٷيٸ مەن قوعامداعى قاراما-قايشىلىقتاردىڭ ٷيلەسٸمدٸ قوسىندىسى. ول قوعام دامۋىنىڭ يدەولوگييالىق باعىتىن كٶرسەتەتٸن, ادام بولمىسىنىڭ ەرەكشە تٷپ نەگٸزٸ (سۋبستانتسيياسى). رۋحانيياتتىڭ تابيعي ٷش تٷرلٸ جٷيەسٸ, قۇرامداس بٶلٸگٸ بار:
1) پاراساتتىلىق (اقيقات پەن جالعاندى انىقتاۋداعى تانىمدار جٷيەسٸ);
2) ادامگەرشٸلٸك (جاقسىلىق پەن جاماندىقتى انىقتاۋداعى قۇندىلىقتار جٷيەسٸ);
3) سۇلۋلىق (سۇلۋ مەن ۇسقىنسىزدى انىقتاۋداعى تالعامدار جٷيەسٸ).
رۋحانييات ساناعا نەگٸزدەلگەن. سانا بولسا, اقىل (پاراساتتىلىق) مەن سەزٸمنٸڭ (ادامگەرشٸلٸك, سۇلۋلىق) جەمٸسٸ. ادام ساناسى اقىل (راتسيونالدى) مەن سەزٸمگە (يرراتسيونالدى) نەگٸزدەلە وتىرىپ, بولىمدى ياكي بولىمسىز باعىتتا ٶزگەرەر بولسا, رۋحانييات تا جاعىمدى-كونسترۋكتيۆتٸك نەمەسە جاعىمسىز-دەسترۋكتيۆتٸك باعىتتا دامۋى مٷمكٸن. ادامزات سانانىڭ ەرەكشە جاي-كٷيٸ ارقاسىندا قيىنشىلىقتاردى جەڭٸپ, ادام سەنگٸسٸز قارقىنمەن دامۋدىڭ شىڭىراۋ شىڭىنا بەتتەپ بارادى. بۇعان قاراماستان قازٸرگٸ زاماندا ادامدى رۋحاني كٷيزەلٸسكە ۇشىراتۋ ارقىلى ونى سىندارلى (كونسترۋكتيۆتٸ) ەرٸ جاسامپاز رۋحىنان ايىرىپ, بەيەلەۋمەتتٸك ماقساتتاردا قولدانۋ ٷدەرٸسٸنٸڭ بەلەڭ العاندىعىنىڭ كۋەسٸمٸز. ۇلتتىق مەنتاليتەتكە (دٸل, جان قۇرىلىمى, ويلاۋ ٷلگٸسٸ, رۋحاني مٸنەز-قۇلىق) جات رۋحاني قۇندىلىقتار ەگۋ قوعام رۋحانيياتىنا تٶنٸپ تۇرعان باستى قاتەر. حالىقتار مەن مەملەكەتتەردٸڭ قاسٸرەتٸ, ەدەتتە, ولاردىڭ رۋحانيياتىنىڭ بٷلٸنۋٸنەن, جات يدەيالار مەن قۇندىلىقتاردىڭ جەنە ولارعا جەتۋدٸڭ ٶرەسكەل تەسٸلدەرٸنٸڭ قوعام ساناسىنا ەنۋٸنەن باستالادى. اقپاراتتىق كەڭٸستٸكتە تارايتىن اتالمىش قاۋٸپ-قاتەر ادامنىڭ رۋحاني قاۋٸپسٸزدٸگٸنە نۇقسان كەلتٸرۋدە. سول سەبەپتەن, ۇلتتىق رۋحانيياتتىڭ اياسىن ٷزدٸكسٸز كەڭەيتٸپ وتىرۋ رۋحاني قاۋٸپسٸزدٸكتٸڭ العاشقى شارتتارىنىڭ بٸرٸ.
ەربٸر ادامنىڭ ساناسى ٷزدٸكسٸز «تالىعۋ» مەن «بەلسەندٸلٸك تانىتۋ» اراسىندا كٷي كەشەتٸندٸگٸ بەلگٸلٸ. تالىققان كٷيدەگٸ سانا بٸرقالىپتى مٸنەز تانىتسا, بەلسەندٸ سانا شىعارماشىلىق جاسامپازدىققا نەمەسە ويرانداتۋشىلىققا بوي بەرٸپ, ٶمٸر سالتىن ٶزگەرتۋگە تىرىسادى. وسىلايشا, سانالى ادام رۋحاني ەلەۋەتٸنٸڭ اسقاقتاۋىن كٶزدەيدٸ.
اتالمىش اقپاراتتىق سوعىستا ادامدى ٶزگەنٸڭ ەركٸنە كٶندٸرۋ ٷشٸن اقپارات بۇرمالانىپ, ادامنىڭ كٶڭٸل-كٷيٸنە كەشەندٸ تٷردە ىقپال ەتۋ ەدٸستەرٸ قولدانىلۋدا. مۇنداي سوعىستىڭ بٷگٸنگٸ تاڭدا عالامتور جەلٸسٸندە اقپاراتتىق-پسيحولوگييالىق, كيبەرنەتيكالىق, جەلٸ نەگٸزٸندەگٸ ەسكەري باسقارما سەكٸلدٸ كەڭ تاراعان تٷرلەرٸ بار. عالامتور جەلٸسٸ ارقىلى ادام مەن قوعام ساناسى اقپاراتتىق-پسيحولوگييالىق سوعىستىڭ قۇرالى مەن قۇربانى بولىپ كەلەدٸ. اقپاراتتىق سوعىستىڭ تٷپكٸ ماقساتى – ۇلتتىق رۋحاني قۇندىلىقتاردىڭ ورنىنا ەمبەباپ قۇندىلىقتاردى ەنگٸزۋ. سول سەبەپتەن, رۋحاني قاۋٸپسٸزدٸك ستراتەگييالىق مەنگە يە مەسەلە بولىپ تابىلادى.
رۋحاني بٸرلٸگٸ جوق ۇلت گەوستراتەگييالىق رۋحاني كەڭٸستٸكتە قانداي دا بٸر دامۋعا, بەسەكەلەستٸك تانىتۋعا قاۋقارسىز. رۋحاني قاۋٸپسٸزدٸكتٸڭ ماڭىزدىلىعىن دۇرىس تٷسٸنگەن جاعدايدا قازٸرگٸ قوعامنىڭ بەلگٸلٸ بٸر بٶلٸگٸ اراسىندا بەلەڭ الىپ وتىرعان رۋحاني كٶزقاماندىق (نيگيليزم) پەن ەلەۋمەتتٸك ەنجارلىقتان (اپاتييا) ارىلۋ مٷمكٸندٸگٸنە قول جەتكٸزۋگە بولادى.
رۋحاني قاۋٸپسٸزدٸكتٸڭ باستى ٶلشەمدەرٸنە: 1) قوعامدىق سانانىڭ ٸشكٸ جەنە سىرتقى دەسترۋكتيۆتٸ ىقپالدان قورعالعاندىعىنىڭ جاي-كٷيٸ; 2) مەدەنيەت, عىلىم, بٸلٸم بەرۋ, دٸن, اقپارات سالاسىنداعى قاۋٸپ-قاتەرلەردٸ دەر كەزٸندە انىقتاپ, تيٸستٸ شارا قولدانۋ قابٸلەتٸ; 3) قوعامنىڭ پاسسيونارلىق بٶلٸگٸنٸڭ جاعىمدى شىعارماشىلىق بەلسەندٸلٸگٸ جاتادى.
ەگەر قازاقستان رەسپۋبليكاسى ازاماتتارىنىڭ رۋحاني (اقپاراتتىق, مەدەني, كونفەسسييالىق, عىلىمي, بٸلٸم بەرۋ) كەڭٸستٸگٸن قورعاۋ باعىتىندا جەدەل تٷردە شارالار قولدانىلماسا, 20-30 جىلدىق مەرزٸم ٸشٸندە بيلٸك باسىنا ۇلتتىق رۋحانيياتتان الشاق, كوسموپوليتتٸك دٷنيەتانىمدى ۇستاناتىن ادامدار كەلەدٸ. بۇنى بولدىرماۋ ٷشٸن قوعامدىق سانانى دەسترۋكتيۆتٸ ٸشكٸ جەنە سىرتقى ىقپالداردان قورعايتىن قۇرىلىمداردىڭ ەل باسقارۋ جٷيەسٸنە تارماقتالا وتىرىپ ەنۋٸ ورىندى بولادى. ولاردىڭ قىزمەتٸندە تٶمەندەگٸدەي قۇزىرەتتەر وڭ نەتيجە بەرەرٸ سٶزسٸز.
- رۋحاني قاۋٸپسٸزدٸكتٸ قامتاماسىز ەتۋدٸڭ نەگٸزگٸ باعىتتارىن انىقتاۋ;
- رۋحانيياتقا تٶنۋٸ مٷمكٸن ٸشكٸ جەنە سىرتقى قاتەرلەرگە قارسى ەرەكەتتٸڭ ستراتەگيياسىن قالپتاستىرۋ;
- گەوساياسي بەسەكەلەستەردٸڭ اقپاراتتىق-پسيحولوگييالىق باسقىنشىلىعىنا قارسى ەرەكەتتٸڭ ستراتەگيياسىن قۇرۋ;
- زاماناۋي قوعامنىڭ رۋحاني قاۋٸپسٸزدٸگٸنٸڭ جاڭا ٷلگٸلەرٸن قالىپتاستىرۋ;
- جالپىۇلتتىق «مەڭگٸلٸك ەل» يدەياسىنىڭ اياسىندا رۋحاني قاۋٸپسٸزدٸكتٸ قامتاماسىز ەتۋدٸڭ دٷنيەتانىمدىق تالاپتارىن ايقىنداۋ;
- فيلوسوفييا, قۇقىق فيلوسوفيياسى, دٸن فيلوسوفيياسى, ساياساتتانۋ, ەلەۋمەتتانۋ, دٸن ەلەۋمەتتانۋ نەگٸزٸندە رۋحاني قاۋٸپسٸزدٸك فەنومەنٸن زەرتتەۋ;
- رۋحاني قاۋٸپسٸزدٸكتٸ قامتاماسىز ەتۋدٸڭ مەسەلەلەرٸن شەشۋدٸڭ جولدارىن قاراستىرۋ.
قوعامنىڭ رۋحاني قاۋٸپسٸزدٸگٸن رەسپۋبليكالىق جەنە ٶڭٸرلٸك دەڭگەيدە قامتاماسىز ەتۋ ماقساتىندا تٶمەندە كٶرسەتٸلگەن تارماقتاردان قۇرالعان تۇتاس بٸر جٷيە قۇرۋدىڭ قاجەتتٸلٸگٸ بار سەكٸلدٸ. ولار:
- دامىعان مەملەكەتتەر سيياقتى قوعامدىق سانانى دەسترۋكتيۆتٸك ىقپالدان قورعاۋدىڭ كەشەندٸ شارالارىن جٷزەگە اسىراتىن قارۋلى كٷشتەردٸڭ, قۇقىق قورعاۋ ورگاندارى مەن ارنايى قىزمەتتەردٸڭ بٶلٸمشەلەرٸن قۇرۋ;
- اقپاراتتىق-پسيحولوگييالىق سوعىستىڭ قۇرالدارى مەن ەدٸستەرٸن قولدانۋ;
- مەملەكەتتٸڭ قورعانىس باعىتىنداعى تالاپتارعا سەيكەس جەكە تۇلعالىق جەنە قوعامدىق سانا قالىپتاستىرۋ مەسەلەلەرٸن زەرتتەيتٸن جەنە سول سالانىڭ ماماندارىن دايىندايتىن عىلىمي جەنە بٸلٸم بەرۋ مەكەمەلەرٸن قۇرۋ;
- پاتريوتتىق باعىتتى ۇستاناتىن بۇقارالىق اقپارات قۇرالدارىن قۇرۋ;
- مەدەني-ۇلتتىق, تاريحي-پاتريوتتىق بٸرلەستٸكتەر قۇرۋ;
- مەملەكەت تاراپىنان قولداۋ كٶرەتٸن شىعارماشىلىق مەن ەلەۋمەتتٸك باعىتتاعى بەيرەسمي بٸرلەستٸكتەر قۇرۋ.
رۋحاني قاۋٸپسٸزدٸكتٸ قامتاماسىز ەتۋ قىزمەتٸ مٸندەتتٸ تٷردە زاڭمەن بەكٸتٸلگەنٸ جٶن. مىسالى, «رۋحاني قاۋٸپسٸزدٸكتٸ قامتاماسىز ەتۋ تۇجىرىمداماسى» مەن «رۋحاني قاۋٸپسٸزدٸك تۋرالى» زاڭ بەكٸتٸلەتٸن بولسا, اتالمىش مەسەلەنٸ شەشۋدٸڭ قۇقىقتىق بازاسى قۇرىلعان بولار ەدٸ.
ٶتكەن شاققا ٶكٸنبەۋ, قازٸرگٸ شاقتا جەتٸستٸكتەرگە جەتۋ, كەلەر شاقتا جارقىن بولاشاققا جاقىنداي تٷسۋ ٷشٸن ەلباسى ن.ە.نازارباەۆتىڭ «داعدارىستار ٶتەدٸ, كەتەدٸ, ال ەل تەۋەلسٸزدٸگٸ, ۇلت مۇراتى, ۇرپاق بولاشاعى سەكٸلدٸ ۇلى قۇندىلىقتار عانا عۇمىرلىق» دەگەن سٶزٸن نەگٸزگە الا وتىرىپ, ۇلى قۇندىلىقتارىمىزدى ساقتاپ, جاڭعىرتۋ ەرٸ اسقاقتاتۋ باعىتىندا تيٸمدٸ قىزمەت اتقارۋ - بٷگٸنگٸ زامانىمىزدىڭ تالابى. اتالمىش تيٸمدٸ قىزمەتكە قول جەتكٸزۋدٸڭ بٸر جولى رۋحاني قاۋٸپسٸزدٸگٸمٸزدٸڭ قامتاماسىز ەتٸلۋٸندە جاتىر. بۇل جولدى جٷرٸپ ٶتۋدٸڭ العىشارتى بٷكٸل مەملەكەتتٸك قۇرىلىمدار مەن ازاماتتىق قوعام ينستيتۋتتارىنىڭ رۋحان قاۋٸپسٸزدٸك سالاسىندا جۇمىلۋى بولىپ تابىلادى. رۋحاني سالاداعى ۇلتتىق مٷددەلەرٸمٸزدٸ, مەدەني-تاريحي قۇندىلىقتارىمىزدى قورعاۋ ماقساتىندا ٷنەمٸ كەشەندٸ ەرٸ جٷيەلٸ تٷردە بٸرگە جۇمىس اتقارساق, بٷگٸنگٸ رۋحانيياتىمىزعا تٶنگەن قاۋٸپ-قاتەرلەردٸڭ الدىن الىپ, «مەڭگٸلٸك ەل» اياسىندا شوعىرلانعان ازاماتتارىمىزدىڭ رۋحاني قۇندىلىقتارىن ەلەم جۇرتشىلىعىن تامساندىرا وتىرىپ پاش ەتەتٸندٸگٸمٸزگە سەنٸمٸمٸز مول.
بايماحانوۆ ب.ك.
