رەسەيدٸڭ سىرتقى بارلاۋ قىزمەتٸ (سۆر) ۋكراينا قارۋلى كٷشتەرٸ رەسەي اۋماعىنا جاڭا دروندىق شابۋىلدار جاساۋعا دايىندالىپ جاتقانىن مەلٸمدەدٸ, دەپ حابارلايدى Ult.kz.
سۆر باسپاسٶز بيۋروسىنىڭ حابارلاۋىنشا, كيەۆ بيلٸگٸ ەۋروپاداعى ساياسي جەنە قارجىلىق سەرٸكتەستەرٸنە ۋكراينا ارميياسىنىڭ ەلٸ دە سوعىس ەلەۋەتٸن ساقتاپ وتىرعانىن جەنە رەسەي ەكونوميكاسىنا سوققى بەرە الاتىنىن كٶرسەتۋگە تىرىسىپ وتىر.
رەسەيلٸك بارلاۋ مەلٸمەتٸنشە, ۋكراينا تەك بالتىق ەلدەرٸ ارقىلى ەۋە دەلٸزدەرٸن پايدالانۋمەن شەكتەلمەي, ۇشقىشسىز اپپاراتتاردى وسى مەملەكەتتەردٸڭ اۋماعىنان ۇشىرۋدى جوسپارلاپ وتىر. مەلٸمدەمەدە مۇنداي تاكتيكا نىساناعا جەتۋ ۋاقىتىن قىسقارتىپ, شابۋىلداردىڭ تيٸمدٸلٸگٸن ارتتىرادى دەلٸنگەن.
سۆر لاتۆييا بيلٸگٸ باستاپقىدا مەسكەۋدٸڭ ىقتيمال جاۋاپ سوققىسىنان قاۋٸپتەنگەنٸن, الايدا كيەۆتٸڭ قىسىمىنان كەيٸن وپەراتسيياعا كەلٸسٸم بەرگەنٸن اتاپ ٶتتٸ. رەسەي تاراپى ۋكراينالىق تاراپ ناقتى ۇشىرۋ نٷكتەسٸن انىقتاۋ مٷمكٸن ەمەس ەكەنٸن العا تارتقانىن مەلٸمدەدٸ.
سونىمەن قاتار, رەسەي بارلاۋى ۋكراينا قارۋلى كٷشتەرٸنٸڭ ۇشقىشسىز جٷيەلەر بٶلٸمٸنٸڭ ەسكەري قىزمەتكەرلەرٸ لاتۆييا اۋماعىنداعى «اداجي», «سەلييا», «ليەلۆاردە», «داۋگاۆپيلس» جەنە «ەكابپيلس» ەسكەري بازالارىنا ورنالاستىرىلعانىن حابارلادى.
سۆر قازٸرگٸ زامانعى بارلاۋ قۇرالدارى درونداردىڭ ناقتى قاي جەردەن ۇشىرىلعانىن انىقتاۋعا مٷمكٸندٸك بەرەتٸنٸن ايتىپ, قاجەت بولعان جاعدايدا شەشٸم قابىلداۋ ورتالىقتارىنىڭ كوورديناتتارى بەلگٸلٸ ەكەنٸن ەسكەرتتٸ.
سونداي-اق رەسەي سىرتقى بارلاۋ قىزمەتٸ ناتو مٷشەلٸگٸ «تەرروريستەرگە كٶمەكتەسكەندەردٸ» جاۋاپكەرشٸلٸكتەن قورعامايتىنىن مەلٸمدەدٸ.
