پارا الۋ جەنە الاياقتىق جاساعانى ٷشٸن 6 جىلعا باس بوستاندىعىنان ايىرىلعان ٶسكەمەننٸڭ بۇرىنعى ەكٸمٸ, شقو ەكٸمٸنٸڭ ەكس-بٸرٸنشٸ ورىنباسارى جاقسىلىق وماردىڭ ٸسٸ اپەللياتسييالىق سوتتا قارالدى, دەپ حابارلايدى ult.kz.
20 مامىر كٷنٸ شقو سوتىنىڭ قىلمىستىق ٸستەر جٶنٸندەگٸ سوت القاسى ونىڭ اپەللياتسييالىق شاعىمىن قارادى.
بۇعان دەيٸن ٶسكەمەن قالاسىنىڭ قىلمىستىق ٸستەر جٶنٸندەگٸ اۋدانارالىق سوتى جاقسىلىق وماردى قر قك 190-بابى 3-بٶلٸگٸ 1 جەنە 2-تارماقتارى, 366-بابى 3-بٶلٸگٸ 3-تارماعى بويىنشا (الاياقتىق جەنە پارا الۋ) كٸنەلٸ دەپ تانىپ, 6 جىلعا باس بوستاندىعىنان ايىرۋ تۋرالى ٷكٸم شىعارعان ەدٸ. سونداي-اق ونىڭ مٷلكٸ تەركٸلەنٸپ, مەملەكەتتٸك قىزمەتتە لاۋازىم اتقارۋ قۇقىعىنان ٶمٸر بويىنا ايىرىلعان.
اپەللياتسييالىق شاعىمدى جەبٸرلەنۋشٸ تاراپ پەن قورعاۋشىلار بەرگەن. ولار جازا تىم قاتاڭ دەپ ەسەپتەپ, ٷكٸمدٸ ٶزگەرتۋگە ٶتٸنٸش بٸلدٸرگەن.
الايدا سوت القاسى بٸرٸنشٸ ساتىداعى سوت شەشٸمٸن زاڭدى ەرٸ نەگٸزدٸ دەپ تاۋىپ, ايىپتالۋشىنىڭ ەرەكەتتەرٸ دۇرىس سارالانعانىن مەلٸمدەدٸ. سونىمەن قاتار سوت سىبايلاس جەمقورلىق سيپاتىنداعى قىلمىستىڭ قوعامعا تيگٸزەتٸن اۋىر زاردابىن, مەملەكەتتٸك بيلٸككە دەگەن سەنٸمگە نۇقسان كەلتٸرەتٸنٸن ەسكەرگەن.
نەتيجەسٸندە اپەللياتسييالىق سوت ٷكٸمدٸ ٶزگەرٸسسٸز قالدىردى.
ەسكە سالايىق, بۇعان دەيٸن جاقسىلىق ومار 6 جىلعا سوتتالىپ, ونىڭ Toyota Camry كٶلٸگٸ تەركٸلەنگەنٸ جەنە ٶمٸر بويىنا مەملەكەتتٸك قىزمەتتەن شەتتەتٸلگەنٸ حابارلانعان بولاتىن. سونداي-اق قولدانىستاعى زاڭناماعا سەيكەس, سىبايلاس جەمقورلىق قىلمىستارى ٷشٸن راقىمشىلىق پەن مەرزٸمٸنەن بۇرىن بوساتۋ نورمالارى قولدانىلمايتىنى ايتىلعان
