فوتو: Reuters/Pixstream
پرەمەر-مينيستردٸڭ ورىنباسارى - قارجى مينيسترٸ ەرۇلان جاماۋباەۆ جەمقورلىققا جول بەرگەن شەنەۋنٸكتەردەن تەركٸلەنگەن قاراجاتتان قارجى مينيسترلٸگٸ شوتىنا قانشا اقشا اۋدارىلعانىن ايتتى, - دەپ حابارلايدى Massaget.kz.
قارجى مينيسترٸنٸڭ ايتۋىنشا, قازٸردٸڭ ٶزٸندە جەمقور شەنەۋنٸكتەردەن تەركٸلەنگەن 120 ميلليارد تەڭگە ارنايى ەسەپشوتقا جينالعان. ول اقشا قالاي جۇمسالاتىنىن دا ايتتى.
"قازٸرگٸ ۋاقىتتا بۇل ەسەپشوتتا 120 ميلليارد تەڭگە بار. قازٸر وقۋ-اعارتۋ مينيسترلٸگٸنٸڭ ٶتٸنٸشتەرٸن كٷتٸپ وتىرمىز. قاجەتتٸلٸك بار مەكتەپتەردٸ جٶندەيمٸز. بۇل - ٷش اۋىسىمدى مەكتەپتەر, وندا جەدەل جٶندەۋ جۇمىستارى جٷرگٸزٸلۋ كەرەك, بەلگٸلٸ بٸر كەڭەيتۋ جۇمىستارى اياقتالۋى كەرەك. قازٸر ٶتٸنٸش بەرۋ پروتسەسٸ جٷرٸپ جاتىر. بٸز ولاردى جاساقتاعان بويدا رەسپۋبليكالىق بيۋدجەت كوميسسيياسىنا بەرەمٸز, سودان كەيٸن بۇل اقشانى ايماقتارعا جٸبەرەمٸز", - دەپ تٷسٸندٸردٸ ەرۇلان جاماۋباەۆ.
