Foto: Reuters/Pixstream
Premer-ministrdiń orynbasary - qarjy ministri Erulan Jamaýbaev jemqorlyqqa jol bergen sheneýnikterden tárkilengen qarajattan Qarjy ministrligi shotyna qansha aqsha aýdarylǵanyn aitty, - dep habarlaidy Massaget.kz.
Qarjy ministriniń aitýynsha, qazirdiń ózinde jemqor sheneýnikterden tárkilengen 120 milliard teńge arnaiy esepshotqa jinalǵan. Ol aqsha qalai jumsalatynyn da aitty.
"Qazirgi ýaqytta bul esepshotta 120 milliard teńge bar. Qazir Oqý-aǵartý ministrliginiń ótinishterin kútip otyrmyz. Qajettilik bar mektepterdi jóndeimiz. Bul - úsh aýysymdy mektepter, onda jedel jóndeý jumystary júrgizilý kerek, belgili bir keńeitý jumystary aiaqtalýy kerek. Qazir ótinish berý protsesi júrip jatyr. Biz olardy jasaqtaǵan boida respýblikalyq biýdjet komissiiasyna beremiz, sodan keiin bul aqshany aimaqtarǵa jiberemiz", - dep túsindirdi Erulan Jamaýbaev.
