قازاقستاندا 505,5 مىڭ ادام "سپۋتنيك V" ەكپەسٸنٸڭ بٸرٸنشٸ دوزاسىن الدى. بۇل حالىقتىڭ 2,6 پايىزىنا تەڭ. ۆاكتسينانىڭ ەكٸ دوزاسى 108 مىڭ ادامعا (0,8 پايىز) ەگٸلگەن. بۇل تۋرالى بەيسەنبٸ كٷنٸ دەنساۋلىق ساقتاۋ مينيسترلٸگٸ حابارلادى.
ٶتكەن تەۋلٸكتە ەلدە 70 مىڭنان استام ادامعا كوروناۆيرۋسقا قارسى ۆاكتسينا سالىنعان. بۇل ۆاكتسينالاۋ باستالعالى بەرٸ تٸركەلگەن ەڭ جوعارى كٶرسەتكٸش.
الماتىدا ۆاكتسينا العاندار 100 مىڭنان اسقان. ەلدەگٸ ەڭ ٸرٸ قالادا ۆاكتسينانىڭ بٸرٸنشٸ دوزاسى 107 مىڭنان (قالا حالقىنىڭ 5,4 پايىزى) استام ادامعا سالىنعان. ۆاكتسينا العاندار سانى جٶنٸنەن ەكٸنشٸ ورىندا الماتى وبلىسى تۇر. مۇندا 59 مىڭنان استام ادامعا سالىنعان.
ەلدە ۆاكتسينالاۋ ناۋقانى 1 اقپاندا باستالعان. بٸرٸنشٸ كەزەكتە ەكپە دەرٸگەرلەرگە سالىندى. جاقىندا قازاقستان پرەزيدەنتٸ قاسىم-جومارت توقاەۆ ەكپە ناۋقانى سىلبىر جٷرٸپ جاتىر دەپ, دەنساۋلىق ساقتاۋ مينيسترٸ الەكسەي تسويدىڭ جۇمىسىن سىنعا العان. جۇرت اراسىندا ۆاكتسينانىڭ قاۋٸپسٸزدٸگٸنە سەنبەيتٸندەر كٶپ, كەي ساراپشى ۆاكتسينا ناۋقانى جايلى حالىققا دۇرىس اقپارات بەرٸلمەيدٸ دەپ سانايدى.
رەسمي مەلٸمەت بويىنشا, قازاقستاندا كوروناۆيرۋس پنەۆمونيياسىن قوسقاندا 330 مىڭنان استام ادامنان Covid انىقتالعان. 4 مىڭنان استام ادام قايتىس بولعان. قازاقستان ورتالىق ازييادا ناۋقاستار مەن كوروناۆيرۋسپەن بايلانىستى ادام ٶلٸمٸ كٶرسەتكٸشٸ بويىنشا بٸرٸنشٸ ورىندا تۇر.
