بٷگٸن 1 قىركٷيەك – بٸلٸم كٷنٸ. جاڭا 2020-2021 وقۋ جىلىندا 3,3 ملن وقۋشى, 466 مىڭ كوللەدج ستۋدەنتٸ جەنە 600 مىڭنان استام جوعارى وقۋ ورىندارىنىڭ ستۋدەنتٸ بٸلٸم الادى. سانيتار دەرٸگەرلەردٸڭ تالاپتارىنا سەيكەس كارانتين جاعدايىندا جاڭا وقۋ جىلى ەپيدەميولوگييالىق جاعدايعا بايلانىستى ەرتٷرلٸ فورماتتا باستالادى, دەپ حابارلايدى "ۇلت اقپارات" بٸلٸم جەنە عىلىم مينيسترلٸگٸنە سٸلتەمە جاساپ.
جاڭا وقۋ جىلىندا بٸرٸنشٸ سىنىپقا 352 091 وقۋشى قابىلداندى, ونىڭ شامامەن 75% – 6 جاسقا تولعان بٷلدٸرشٸندەر. دەگەنمەن, اتا-انالاردىڭ شەشٸمٸ بويىنشا جىل سوڭىنا دەيٸن التى جاسقا تولاتىن 11 مىڭعا جۋىق بالا مەكتەپ وقۋشىسى اتاندى.
بالالاردىڭ جاس ەرەكشەلٸگٸ مەن اتا-انالاردىڭ تٸلەگٸ ەسكەرٸلدٸ, مەكتەپتەردە سانيتارلىق تالاپتاردى قاتاڭ ساقتاي وتىرىپ, 1-4 سىنىپ وقۋشىلارى ٷشٸن كەزەكشٸ سىنىپتار جۇمىس ٸستەپ تۇر.
جاڭا وقۋ جىلىندا باستاۋىش سىنىپتاردا بٸر ميلليوننان استام بالا وقيدى, ونىڭ 60% اتا-انالارىنىڭ نەمەسە زاڭدى ٶكٸلدەرٸنٸڭ ٶتٸنٸشٸ بويىنشا مەكتەپتەردە, كەزەكشٸ سىنىپتاردا ستانيتارلىق تالاپتاردى قاتاڭ ساقتاي وتىرىپ وقۋدى باستادى.
ايتا كەتەيٸك, ەلٸمٸزدە 7 مىڭنان استام مەكتەپ جۇمىس ٸستەيدٸ, ونىڭ 3 مىڭعا جۋىعىندا 1-11 سىنىپ وقۋشىلارى دەستٷرلٸ فورماتتا وقۋدى باستادى. نەگٸزٸنەن, بۇل - شالعايداعى شاعىن جيناقتالعان مەكتەپتەر, ولاردىڭ ەرقايسىسىندا 180-نەن استام بالا بار. تيٸستٸ شەشٸمدٸ سانيتار دەرٸگەرلەر قابىلدادى.
شامامەن 2,6 ملن وقۋشى جاڭا وقۋ جىلىن قاشىقتان وقىتۋ فورماتىندا باستادى. ولار وتاندىق بٸلٸم پلاتفورمالارىن پايدالانا وتىرىپ, قاشىقتان وقيدى. «بالاپان» جەنە «ەل ارنا» رەسپۋبليكالىق تەلەارنالارى پەداگوگتەردٸڭ تٸلەكتەرٸ بويىنشا قوسىمشا قۇرال رەتٸندە پايدالانىلاتىن تەلەساباقتاردى تاراتاتىن بولادى.
بيىل جاڭارتىلعان بٸلٸم بەرۋ مازمۇنىنا تولىق كٶشۋ اياقتالعانىن ايتا كەتكەن جٶن.
بٷگٸن ەلٸمٸز بويىنشا جاڭا 32 مەكتەپ اشىلدى, جىل سوڭىنا دەيٸن تاعى 77 بٸلٸم بەرۋ ۇيىمى پايدالانۋعا بەرٸلەدٸ. جەرگٸلٸكتٸ اتقارۋشى ورگاندار وقۋشىلاردى قاشىقتان وقىتۋدى ۇيىمداستىرۋ ٷشٸن ولارعا مەكتەپ كومپيۋتەرلەرٸ مەن روۋتەرلەردٸ ۋاقىتشا پايدالانۋعا بەردٸ.
جاڭا وقۋ جىلىندا مەكتەپتەردە 10 258 جاس مامان جۇمىسىن باستادى.
