فوتو: gov.kz
قازاقستاندا زاڭگەرلەر, جۋرناليستەر جەنە بەلسەندٸ ازاماتتار قىلمىستىق كودەكستٸڭ 274-بابىن قىلمىستىق جاۋاپكەرشٸلٸكتەن الىپ, ونى ەكٸمشٸلٸك قۇقىقبۇزۋشىلىق ساناتىنا اۋىستىرۋدى تالاپ ەتۋدە, دەپ حابارلايدى Ult.kz Dalanews.kz-كە سٸلتەمە جاساپ.
ٷندەۋدە بۇل باپ قازٸرگٸ تاڭدا سٶز بوستاندىعىن شەكتەيتٸن, قوعامدىق سىنعا قىسىم جاسايتىن جەنە جۋرناليستەر مەن بەلسەندٸلەرگە قىلمىستىق قۋدالاۋ قاۋپٸن تٶندٸرەتٸن قۇرالعا اينالعانى اتالىپ ٶتكەن.
"قازاقستان رەسپۋبليكاسىنىڭ قىلمىستىق كودەكسٸندەگٸ 274-باپ – ەدەيٸ جالعان اقپارات تاراتقانى ٷشٸن جازالاۋ كٶزدەلگەن نورما – ٸس جٷزٸندە سٶز ەركٸندٸگٸن شەكتەپ, قوعامدىق سىنعا توسقاۋىل بولىپ وتىر. باپتىڭ باستاپقى ماقساتى – دەزينفورماتسييامەن كٷرەسۋ بولعانىمەن, تەجٸريبەدە ول ەلەۋمەتتٸك جەلٸدەگٸ پٸكٸرلەر مەن بۇقارالىق اقپارات قۇرالدارىنداعى سىني ماتەريالدار ٷشٸن قۋدالاۋعا جيٸ قولدانىلادى. بوستاندىقتان ايىرۋعا دەيٸنگٸ اۋىر جازا بۇل قۇقىقبۇزۋشىلىقتىڭ سيپاتىنا مٷلدەم ساي كەلمەيدٸ جەنە ەدٸلدٸك پەن سورازمەرلٸك قاعيداتتارىن بۇزادى", – دەلٸنگەن ٷندەۋدە.
274-باپتى دەكريميناليزاتسييالاۋ تۋرالى بۇل ٶتٸنٸش e-Otinish پورتالى ارقىلى رەسمي تٸركەلٸپ, باس پروكۋراتۋراعا, كونستيتۋتسييالىق سوتقا, سەنات پەن مەجٸلٸسكە جولدانعان. سونىمەن قاتار ونلاين-پەتيتسييا دا ەزٸرلەنٸپ جاتىر.
"بٸز 274-باپ بويىنشا بەلسەندٸلەر مەن جۋرناليستەرگە قاتىستى قوزعالعان نەگٸزسٸز قىلمىستىق ٸستەردٸ دەرەۋ توقتاتۋدى تالاپ ەتەمٸز. باپتى قىلمىستىق كودەكستەن شىعارىپ, ەكٸمشٸلٸك جاۋاپكەرشٸلٸككە اۋىستىرۋ بويىنشا زاڭناماعا تەزدەتٸپ تٷزەتۋلەر ەنگٸزۋ قاجەت. بٸزدٸڭ تالاپتارىمىز: جاۋاپكەرشٸلٸكتٸ ەكٸمشٸلٸك قۇقىقبۇزۋشىلىق تۋرالى كودەكسكە كٶشٸرۋ; ايىپپۇل تٷرٸندەگٸ ەكٸمشٸلٸك جازا بەلگٸلەۋ; بوستاندىقتان ايىرۋ مٷمكٸندٸگٸن تولىق جويۋ", – دەلٸنگەن ٷندەۋدە.
قازاقستاندىق جەنە حالىقارالىق قۇقىق قورعاۋ ۇيىمدارى دا ۇزاق جىلدار بويى «جالعان اقپارات» ٷشٸن قىلمىستىق جاۋاپكەرشٸلٸكتٸ سىنعا الىپ كەلەدٸ.
