قازاقستان قور بيرجاسى (KASE) باسقارما تٶراعاسىنىڭ ورىنباسارى ناتاليا حوروشەۆسكايا 28 اقپانداعى ۆاليۋتالىق ساۋدا-ساتتىق قالاي ٶتكەنٸن مەلٸمدەدٸ, - دەپ حابارلايدى Tengrinews.kz تٸلشٸسٸ.
"قازٸرگٸ ۋاقىتتا دوللاردىڭ ساۋدا-ساتتىعى اياقتالدى. ول 30 مينۋتقا سوزىلدى. بٸزدٸڭ بيرجادا ٶتكٸزٸلەتٸن ٶزگە شەتەل ۆاليۋتالارىنىڭ ساۋدا-ساتتىعى شتاتتىق رەجيمدە ٶتتٸ. قازٸر دوللاردان باسقا, يۋان, ەۆرو جەنە رۋبل قول جەتٸمدٸ. قور نارىعىندا باعالى قاعازدار بويىنشا ساۋدا-ساتتىق شتاتتىق رەجيمدە ٶتكٸزٸلدٸ. ولار رەگلامەنت بويىنشا جابىلادى. دوللار ساۋدا-ساتتىعى بويىنشا فرانكفۋرت اۋكتسيونى رەجيمٸ ەنگٸزٸلدٸ. اۋكتسيون بارىسىندا بيرجانىڭ ەر مٷشەسٸ اقش دوللارىن ساتىپ الۋعا جەنە ساتۋعا ٶتٸنٸش بەرە الادى, ەگەر جاعداي ٶزگەرسە, ٶتٸنٸمدەردٸ قايتارىپ الا الادى. وسىنداي ەدٸسپەن ٶتكٸزٸلەتٸن ساۋدا-ساتتىق كەزدەيسوق سەتتە جابىلادى جەنە كۋرس قارسى ٶتٸنٸمدەردٸڭ ەڭ كٶپ كٶلەمٸ قاناعاتتاندىرىلاتىنداي ەتٸپ تٸركەلەدٸ", - دەپ حابارلادى سپيكەر.
KASE باسقارما تٶراعاسى ورىنباسارىنىڭ ايتۋىنشا, ساۋدا-ساتتىقتىڭ جالپى كٶلەمٸ 159 ميلليون 500 مىڭ دوللاردى قۇرادى. بۇل سوڭعى ٷش ايداعى ورتاشا كٷندەلٸكتٸ ساۋدا-ساتتىق كٶلەمٸنٸڭ ەڭ جوعارى كٶرسەتكٸشتەرٸنە سەيكەس كەلەدٸ. ورتاشا الىنعان باعام 495 تەڭگە. بۇل دوللاردى ەڭ ٷلكەن كٶلەمدە ساتىپ الۋعا جەنە ساتۋعا ٶتٸنٸمدەر بەرٸلگەن باعام. 25 اقپان كٷنٸ كەشكٸ ساۋدا-ساتتىق قورىتىندىسى بويىنشا بەلگٸلەنگەن بۇرىنعى باعاممەن سالىستىرعاندا دوللار تەڭگەگە شاققانداعى باعامى 6,7 پايىزعا قىمباتتادى.
