قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا بيىل 10 شٸلدەدە ٶتكەن ٷكٸمەتتٸڭ كەڭەيتٸلگەن وتىرىسىندا قر پرەزيدەنتٸ قاسىم-جومارت توقاوۆەتىڭ بەرگەن تاپسىرمالارىن ٸسكە اسىرۋ شارالارى قارالدى. ەلٸمٸزدەگٸ قازٸرگٸ ەكولوگييالىق احۋال تۋرالى ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ باياندادى, دەپ حابارلايدى primeminister.kz سايتى.
مينيستر حابارلاعانداي, قازٸرگٸ ۋاقىتتا ەلٸمٸزدەگٸ بار 3,3 مىڭ پوليگوندا 125 ملن توننادان اسا قاتتى تۇرمىستىق قالدىقتار جينالعان. جىل سايىن 5 ملن توننا كٶلەمٸندە قوسىمشا تقق جينالادى. تۇرمىستىق قالدىقتاردى ٶڭدەۋ ٷلەسٸ 2018 جىلى 11,5%-دان 2019 جىلدىڭ قورىتىندىسى بويىنشا 14,9%-عا دەيٸن ٶستٸ. قايتا ٶڭدەۋدٸڭ جوعارى ٷلەسٸ ماڭعىستاۋ, الماتى وبلىستارىندا جەنە شىمكەنت قالاسىندا تٸركەلدٸ. ال تٶمەن كٶرسەتكٸشتەر اقمولا, شىعىس جەنە باتىس قازاقستان وبلىستارىندا بايقالدى.
"سونداي-اق, ەلٸمٸزدەگٸ پوليگونداردىڭ سىيىمدىلىعى شەگٸنە جەتكەنٸن اتاپ ٶتكەن جٶن. وعان قوسا 3300 پوليگوننىڭ 82% ەكولوگييالىق جەنە سانيتارلىق نورمالارعا سەيكەس كەلمەيدٸ" - دەدٸ مينيستر.
م. مىرزاعاليەۆ اتاپ ٶتكەندەي, وسىعان بايلانىستى ەكٸمدٸكتەر قاتتى تۇرمىستىق قالدىقتار پوليگوندارىن ەكولوگييالىق تالاپتارعا سەيكەس كەلتٸرٸپ, پايدالانۋشى ۇيىمداردى انىقتاپ, مجە تەتٸكتەرٸن نەمەسە جەكە ينۆەستيتسييالاردى تارتا وتىرىپ, ماتەريالدىق-تەحنيكالىق جابدىقتاۋدى جاقسارتۋى, قاجەت بولعان جەرلەردە جاڭا پوليگوندار سالۋ بويىنشا تيٸستٸ شارالاردى قابىلداۋى تيٸس.
«سونىمەن قاتار, بيۋدجەت قاراجاتىنىڭ شىعىندارىن ٷنەمدەۋ ماقساتىندا بٸز يندۋسترييا جەنە ينفراقۇرىلىمدىق دامۋ مينيسترلٸگٸمەن بٸرلەسٸپ, قالالار مەن اۋىلدىق جەرلەرگە ارنالعان قتق پوليگوندارىن سالۋدىڭ جەڭٸلدەتٸلگەن تيپتٸك جوباسىن ەزٸرلەۋدٸ ۇسىنامىز», — دەدٸ مينيستر.
ونىڭ ايتۋىنشا, جىلدار بويى زاڭسىز قوقىس ورىندارىنىڭ كٶبەيۋٸ مەسەلەسٸنٸڭ شەشٸمٸ تابىلماي كەلەدٸ. «قازاقستان عارىش ساپارى» اق عارىشتىق مونيتورينگٸ شەڭبەرٸندە 11 شٸلدەدەگٸ جاعداي بويىنشا ەلٸمٸزدٸڭ بارلىق ٶڭٸرلەرٸندە 7,5 مىڭنان استام وسىنداي قوقىس ورنى انىقتالعان. ەكٸمدٸكتەرمەن بٸرلەسٸپ ولاردى جويۋ جوسپارى ەزٸرلەندٸ.
«جاڭا زاڭسىز قوقىس ورىندارىنىڭ پايدا بولۋىنا بارىنشا جول بەرمەۋ قاجەت. ول ٷشٸن قوعامدىق رەيدتەر ٶتكٸزٸپ, انىقتالعان فاكتٸلەردٸ جۇرتقا جارييا ەتۋدٸ ۇسىنامىز. الايدا, وسى مەسەلەنٸ جٷيەلٸ تٷردە شەشۋ ٷشٸن جاڭا ەكولوگييالىق كودەكستە قوقىس شىعاراتىن كٶلٸكتەرگە GPS-داتچيكتەردٸ مٸندەتتٸ تٷردە ورناتۋ شارالارى كٶزدەلدٸ», — دەدٸ م. مىرزاعاليەۆ.
ۆەدومستۆو باسشىسى اتاپ ٶتكەندەي, ٶز كەزەگٸندە, قوقىس شىعارۋ تاريفتەرٸنٸڭ تٶمەندٸگٸنە بايلانىستى قوقىس ٶڭدەۋ سالاسى ينۆەستورلاردىڭ اسا قىزىعۋشىلىعىن تۋدىرمايدى. وسىعان وراي, مەملەكەت باسشىسىنىڭ تاپسىرماسى بويىنشا Waste to energy تەحنولوگيياسىن ەنگٸزۋ ماقساتىندا زاڭناماعا تيٸستٸ ٶزگەرٸستەر ەنگٸزٸلۋدە.
«مەجٸلٸس زاڭعا تٷزەتۋلەردٸ ماقۇلدادى. كٷزدە سەناتتىڭ قاراۋىندا بولادى. زاڭ قابىلدانعاننان كەيٸن بٸز العاشقى اۋكتسيونداردى ٶتكٸزۋدٸ جوسپارلاپ وتىرمىز. وسى جٷيە جەك تەرٸزدٸ جۇمىس ٸستەيتٸن بولادى: ەلەكتر ەنەرگيياسىنا ەڭ تٶمەنگٸ باعانى كٸم ۇسىنسا, سول زاۋىت قۇرىلىسىن جٷزەگە اسىرادى. العاشقى اۋكتسيونداردى كەلەسٸ جىلى ٶتكٸزۋدٸ جوسپارلاۋدامىز», — دەدٸ مينيستر.
ەكٸمدٸكتەرمەن بٸرلەسٸپ 6 پيلوتتىق قالا انىقتالدى. ولار: اقتٶبە, الماتى, اتىراۋ, نۇر-سۇلتان, تاراز جەنە شىمكەنت قالالارى.
سونىمەن قاتار سۋ رەسۋرستارىن باسقارۋ جٶنٸندەگٸ مەملەكەتتٸك باعدارلامانىڭ جوباسى ەزٸرلەندٸ, وندا كەلەسٸ نىسانالى ينديكاتورلار انىقتالدى:
- 2030 جىلى سۋارمالى جەرلەردٸ قازٸرگٸ 1,5 ملن گا-دان 3 ملن گا دەيٸن ۇلعايتۋ;
- 38 جاڭا سۋ قويماسىن سالۋ;
- قازٸرگٸ 3 مىڭ كم-دەن 13,5 مىڭ كم دەيٸن ارنالاردى قايتا جاڭارتۋ جەنە ت.ب.
«بٸز سۋارمالى جەرلەردٸڭ القابىن 2030 جىلعا دەيٸن 3 ملن گا دەيٸن ۇلعايتۋ بويىنشا جۇمىستاردى باستاپ كەتتٸك. بىلتىر 66) مىڭ گا سۋارمالى جەر پايدالانۋعا بەرٸلدٸ. قازٸر 5 ٶڭٸردە 500 مىڭ گا جۋىق سۋارمالى جەرلەرلەردٸ پايدالانۋعا بەرۋ بويىنشا جۇمىستار جٷرٸپ جاتىر. بۇل جۇمىستار 2022 جىلى اياقتالادى», — دەپ حابارلادى مينيستر.
