فوتو: Silk Road Electronics
قاراعاندى وبلىسى, ساران قالاسىندا ورنالاسقان Silk Road Electronics زاۋىتىندا Samsung برەندٸندەگٸ تەلەديدارلار مەن كٸر جۋعىش ماشينالاردى ٶندٸرۋدٸڭ رەسمي ٸسكە قوسىلۋ رەسٸمٸ ٶتتٸ. ٸس-شاراعا قاراعاندى وبلىسىنىڭ ەكٸمٸ جەنە قازاقستان رەسپۋبليكاسى ٶنەركەسٸپ جەنە قۇرىلىس مينيسترلٸگٸ ٶنەركەسٸپ كوميتەتٸنٸڭ تٶراعاسى قاتىستى, دەپ حابارلايدى Ult.kz.
جوبانىڭ جٷزەگە اسىرىلۋى مەملەكەت, ينۆەستورلار جەنە بيزنەس ٶكٸلدەرٸنٸڭ بٸرلەسكەن كٷش-جٸگەرٸنٸڭ نەتيجەسٸ بولدى. جاڭا ٶندٸرٸس جۇمىس ورىندارىن قۇرۋعا, ٸلەسپە سالالاردىڭ دامۋىن ىنتالاندىرۋعا, ينۆەستيتسييا تارتۋعا, سونداي-اق تەحنولوگييالار مەن ٶندٸرٸستٸك قۇزىرەتتەردٸ بەرۋدٸ قامتاماسىز ەتۋگە مٷمكٸندٸك بەرەدٸ.
كەسٸپورىندا SmartThings ەكوجٷيەسٸن قولدايتىن Samsung كٸر جۋعىش ماشينالارى, سونداي-اق جوعارى ايىرىمدىلىقتاعى جەنە Smart TV فۋنكتسيياسىمەن جابدىقتالعان تەلەديدارلار (Crystal UHD 4K, FHD جەنە HD ٷلگٸلەرٸ)ٶندٸرٸلەتٸن بولادى. بولاشاقتا QLED سەرييالى تەلەديدارلاردى شىعارۋ جوسپارلانۋدا.
جىل سوڭىنا دەيٸن Samsung برەندٸمەن 10 مىڭ تەلەديدار مەن 25 مىڭ كٸر جۋعىش ماشينا شىعارۋ جوسپارلانۋدا.
جەلٸنٸڭ قۋاتتىلىعى جىلىنا 150 مىڭعا دەيٸن تەلەديدار مەن 200 مىڭعا دەيٸن كٸر جۋعىش ماشينانى شىعارۋعا مٷمكٸندٸك بەرەدٸ.
ەلەمدٸك برەند ٶنٸمدەرٸنٸڭ قازاقستاندا ٶندٸرٸلۋٸنٸڭ باستالۋى ماشينا جاساۋ سالاسىنىڭ دامۋىنىڭ ماڭىزدى كەزەڭٸ بولىپ تابىلادى جەنە يمپورتتى الماستىرۋ مەن ٶنٸمدٸ جەرگٸلٸكتەندٸرۋ دەڭگەيٸن ارتتىرۋ ساياساتىن ٸسكە اسىرۋعا ىقپال ەتەدٸ.
