Foto: Silk Road Electronics
Qaraǵandy oblysy, Saran qalasynda ornalasqan Silk Road Electronics zaýytynda Samsung brendindegi teledidarlar men kir jýǵysh mashinalardy óndirýdiń resmi iske qosylý rásimi ótti. Is-sharaǵa Qaraǵandy oblysynyń ákimi jáne Qazaqstan Respýblikasy Ónerkásip jáne qurylys ministrligi Ónerkásip komitetiniń tóraǵasy qatysty, dep habarlaidy Ult.kz.
Jobanyń júzege asyrylýy memleket, investorlar jáne biznes ókilderiniń birlesken kúsh-jigeriniń nátijesi boldy. Jańa óndiris jumys oryndaryn qurýǵa, ilespe salalardyń damýyn yntalandyrýǵa, investitsiia tartýǵa, sondai-aq tehnologiialar men óndiristik quzyretterdi berýdi qamtamasyz etýge múmkindik beredi.
Kásiporynda SmartThings ekojúiesin qoldaityn Samsung kir jýǵysh mashinalary, sondai-aq joǵary aiyrymdylyqtaǵy jáne Smart TV fýnktsiiasymen jabdyqtalǵan teledidarlar (Crystal UHD 4K, FHD jáne HD úlgileri)óndiriletin bolady. Bolashaqta QLED seriialy teledidarlardy shyǵarý josparlanýda.
Jyl sońyna deiin Samsung brendimen 10 myń teledidar men 25 myń kir jýǵysh mashina shyǵarý josparlanýda.
Jeliniń qýattylyǵy jylyna 150 myńǵa deiin teledidar men 200 myńǵa deiin kir jýǵysh mashinany shyǵarýǵa múmkindik beredi.
Álemdik brend ónimderiniń Qazaqstanda óndirilýiniń bastalýy mashina jasaý salasynyń damýynyń mańyzdy kezeńi bolyp tabylady jáne importty almastyrý men ónimdi jergiliktendirý deńgeiin arttyrý saiasatyn iske asyrýǵa yqpal etedi.
