قر بٸلٸم جەنە عىلىم مينيسترٸ اسحات ايماعامبەتوۆ بٷگٸن Facebook-تەگٸ پاراقشاسىندا پەداگوگ مەرتەبەسٸن كٶتەرۋ بويىنشا قانداي جۇمىستار اتقارىلاتىنىن ايتىپ بەردٸ, دەپ حابارلايدى "ۇلت اقپارات".
«مەملەكەت باسشىسى قاسىم-جومارت توقاەۆ مينيسترلٸككە «پەداگوگ مەرتەبەسٸ تۋرالى» زاڭ نورمالارىن ٸسكە اسىرۋ بويىنشا اتقارىلىپ جاتقان جۇمىستاردى جالعاستىرۋدى تاپسىردى. اتالعان قۇجاتتىڭ ماڭىزدى ەرەجەلەرٸنٸڭ بٸرٸ – پەداگوگتٸ مٸندەتٸنە جاتپايتىن فۋنكتسييالارعا تارتۋدان قورعاۋ, ورىنسىز ەسەپتٸلٸكتەن بوساتۋ. بۇل نورمالار جاڭا وقۋ جىلى قارساڭىندا ٶتە ٶزەكتٸ», - دەپ جازدى مينيستر.
مينيسترلٸكتٸڭ وسىعان قاتىستى قاتاڭ ۇستانىمدارىنا قاراماستان, مينيستر وسى ەرەجەلەردٸ بۇزۋ فاكتٸلەرٸ ەلٸ دە كەزدەسەتٸنٸن ايتتى.
«وسىدان بٸرنەشە اپتا بۇرىن لەنگٸر مەكتەپ-ينتەرناتىندا ەكٸمشٸلٸك ٸس قوزعالدى, وندا پەداگوگتەردٸ لاۋازىمدىق مٸندەتتەرٸنە كٸرمەيتٸن جۇمىستارعا تارتقان. بٸلٸم سالاسىندا ساپانى قامتاماسىز ەتۋ دەپارتامەنتٸ وقيعا ورنىنا بارىپ, قىزمەتتٸك تەكسەرۋ جٷرگٸزدٸ. فاكتٸلەر راستالدى جەنە مەكتەپ ديرەكتورىنىڭ مٸندەتٸن اتقارۋشى . ەكٸمشٸلٸك جاۋاپقا تارتىلدى», - دەيدٸ ا. ايماعامبەتوۆ.
بۇعان دەيٸن تٷركٸستان وبلىسى كەنتاۋ قالاسىنداعى مولدا مۇسا اتىنداعى مەكتەپتە دە قىزمەتتٸك تەكسەرۋ جٷرگٸزٸلگەن.
«وندا مۇعالٸمدٸ مەكتەپتٸ جٶندەۋ جۇمىستارىنا تارتقان. اتالعان فاكتٸ تەكسەرۋ بارىسىندا راستالدى. مەكتەپ ديرەكتورىنىڭ مٸندەتٸن اتقارۋشى دا, كەنتاۋ قالالىق بٸلٸم بٶلٸمٸنٸڭ قىزمەتكەرٸ دە ەكٸمشٸلٸك جاۋاپقا تارتىلدى. جالپى وسى قىسقا ۋاقىتتىڭ ٶزٸندە بٸلٸم سالاسىندا ساپانى قامتاماسىز ەتۋ جٶنٸندەگٸ اۋماقتىق دەپارتامەنتتەرگە جٷزدەن استام ٶتٸنٸش كەلٸپ تٷستٸ. نەتيجەسٸندە لاۋازىمدى تۇلعالارعا دا, وقۋشىلاردىڭ اتا-انالارىنا دا قاتىستى 30-دان استام ەكٸمشٸلٸك جازا قولدانىلدى. بۇل جۇمىس تۇراقتى تٷردە جٷرگٸزٸلەدٸ. زاڭسىزدىققا جول بەرگەن جاۋاپتى تۇلعالارعا قاتىستى شارالار مۇنىمەن شەكتەلمەيدٸ. ەكٸمشٸلٸك جازالاردان بٶلەك, جۇمىستان بوساتۋ تۋرالى شەشٸمدەر دە قابىلدانادى», - دەيدٸ ۆەدومستۆو باسشىسى.
«مۇعالٸمدەردٸڭ قۇقىعىن قورعاۋ – جەرگٸلٸكتٸ اۋماقتىق ورگان باسشىلارىنىڭ دا, مەكتەپ ديرەكتورلارىنىڭ دا تٸكەلەي مٸندەتٸ. پەداگوگتەردٸڭ قۇقىقتارىن قورعاۋ تۋرالى ايتقاندا, مۇعالٸمدەر ٶز مٸندەتتەرٸن ادال ورىنداۋ مەسەلەسٸن دە ەستە ساقتاۋى قاجەت. ٶيتكەنٸ جاڭا زاڭنىڭ تالاپتارى دا جاڭا. پەداگوگيكالىق قىزمەتپەن اينالىساتىن ەربٸر جان جاس ۇرپاققا ٷلگٸ بولىپ, ٶز جۇمىسىندا ادامگەرشٸلٸك قاعيدالارى مەن مورالدىق قۇندىلىقتاردى باسشىلىققا الۋى تيٸس. مٸنەز-قۇلىق مەدەنيەتٸ, ەدەپتٸلٸك, ادالدىق, ادامنىڭ ار-نامىسى مەن قادٸر-قاسيەتٸن قۇرمەتتەۋ – پەداگوگيكالىق ەتيكانىڭ نەگٸزٸ. وسى قاعيدالاردىڭ ساقتالۋىن باقىلاۋ ٷشٸن بٸز مۇعالٸمدەرگە قاتىستى قۇقىقبۇزۋشىلىقتار مەن پەداگوگيكالىق ەتيكانى ٶرەسكەل بۇزۋ تۋرالى داۋلى مەسەلەلەردٸ قاراستىراتىن ارنايى القالى ورگان قۇرۋدى قاراستىرۋدامىز. بۇل – پەداگوگيكالىق ەتيكا جەنە مۇعالٸمدەردٸڭ قۇقىقتارىن قورعاۋ جٶنٸندەگٸ كەڭەس.
مۇنداي ينستيتۋت العاش رەت پيلوتتىق رەجيمدە وسى جىلدىڭ تامىز ايىنان باستاپ, نۇر-سۇلتان قالاسىندا جۇمىس ٸستەۋدٸ باستادى.
«بولاشاقتا ەتيكا بويىنشا كەڭەستەر ەلٸمٸزدٸڭ بارلىق ايماعىندا قۇرىلا الادى. ولار بٸلٸم بەرۋ سالاسىندا ساپانى قامتاماسىز ەتۋ دەپارتامەنتتەرٸ جانىندا جۇمىس ٸستەيتٸن بولادى. بارلىعىمىز مەملەكەتتٸك قىزمەتكەرلەردٸڭ ەدەپ جٶنٸندەگٸ كەڭەسٸنٸڭ تيٸمدٸ جۇمىسىنىڭ كۋەسٸ بولدىق. بٸزدٸڭ جاڭادان قۇرىلعان كەڭەستەرٸمٸزدٸڭ قىزمەتٸ سونىڭ ٷلگٸسٸ بويىنشا ۇيىمداستىرىلادى. مۇنىڭ بەرٸ – ٷلكەن باستاما: ەر مۇعالٸم ٶزٸنٸڭ مەرتەبەسٸن ماقتان تۇتۋى كەرەك. ىڭعايلى جاعدايدا جۇمىس ٸستەپ, ساپالى بٸلٸم بەرۋٸ كەرەك. ٶيتكەنٸ بٸزدٸڭ بالالارىمىزدىڭ ەل-اۋقاتى مەن بٸلٸمٸ ۇستازداردىڭ قولىندا», - دەيدٸ بٸلٸم جەنە عىلىم مينيسترٸ.
