قازاقستاندا ماقتا ٶڭدەۋ ۇيىمدارىنىڭ قىزمەتٸنە ەكٸمشٸلٸك كەدەرگٸلەر الىنىپ تاستالاتىن بولدى, دەپ حابارلايدى "ۇلت اقپارات" قر اشم باسپاسٶز قىزمەتٸنە سٸلتەمە جاساپ.
ٶتكەن اپتادا پرەزيدەنت قاسىم-جومارت توقاەۆ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ماقتا سالاسى مەسەلەلەرٸ بويىنشا ٶزگەرٸستەر ەنگٸزۋ جەنە «ماقتا سالاسىن دامىتۋ تۋرالى» قازاقستان رەسپۋبليكاسى زاڭىنىڭ كٷشٸ جويىلدى دەپ تانۋ تۋرالى» قازاقستان رەسپۋبليكاسىنىڭ زاڭىنا قول قويدى. جاڭا قۇجات ارتىق ەكٸمشٸلٸك كەدەرگٸلەردٸ جويۋعا جەنە ماقتا سالاسىنىڭ ينۆەستيتسييالىق احۋالىن ساۋىقتىرۋعا باعىتتالعان.
ماقتا سالاسىن دامىتۋ مەسەلەلەرٸ جەنە ونىڭ توقىراۋ سەبەپتەرٸ تاۋار ٶندٸرۋشٸلەر ٶكٸلدەرٸنٸڭ, ۋەكٸلەتتٸ مەملەكەتتٸك ورگانداردىڭ, جەرگٸلٸكتٸ بيلٸك ورگاندارىنىڭ, پارلامەنت دەپۋتاتتارىنىڭ قاتىسۋىمەن ەرتٷرلٸ الاڭداردا بٸرنەشە رەت تالقىلانعان بولاتىن. نەتيجەسٸندە تاراپتار سالاداعى ٸسكەرلٸك بەلسەندٸلٸكتٸ تەجەيتٸن قولدانىستاعى ەكٸمشٸلٸك كەدەرگٸلەر مەن شەكتەۋلەردٸ الىپ تاستاۋ قاجەتتٸلٸگٸ تۋرالى ورتاق پٸكٸرگە كەلدٸ.
ماقتا قولحاتتارى جٷيەسٸنٸڭ رەتتەلۋٸ نەگٸزگٸ قۇرالداردىڭ كەپٸلٸنە شەكتەۋلەر ەنگٸزۋ سالدارىنان قارجى ينستيتۋتتارى مەن ماقتا ٶڭدەۋ ۇيىمدارى اراسىندا تاريحي قالىپتاسقان قاتىناستاردىڭ جويىلۋىنا جەنە تيٸسٸنشە سالانىڭ قۇلدىراۋىنا الىپ كەلدٸ.
قالىپتاسقان جاعدايدى جاقسارتۋ ٷشٸن جاڭا زاڭدا ماقتا قولحاتتارىنىڭ تيٸمسٸز جٷيەسٸن قايتا رەتتەي وتىرىپ ماقتا ٶڭدەۋ ۇيىمدارىنىڭ قىزمەتٸن ليتسەنزييالاۋدى جەنە ونى قامتاماسىز ەتۋگە باعىتتالعان شارالاردى الىپ تاستاۋ ۇسىنىلادى.
ناقتى ايتاتىن بولساق, جەتٸ زاڭنامالىق اكتٸدەن: ماقتا ٶڭدەۋ ۇيىمدارىنىڭ ەكٸمشٸلٸك جاۋاپكەرشٸلٸگٸن, ولاردى تاراتۋدىڭ ەرەكشە تەرتٸبٸن, تيٸستٸ ٸس جٷرگٸزۋ نورمالارىن جەنە ت.ب. نورمالاردى الىپ تاستاۋ ۇسىنىلادى.
قابىلدانعان زاڭ ماقتا سالاسىنا قارجى ينستيتۋتتارىن تارتۋعا جەنە اۋىلدا جۇمىسپەن قامتۋدى ۇلعايتىپ, سالانىڭ نەگٸزگٸ كٶرسەتكٸشتەرٸن كٶتەرە وتىرىپ وڭ ەلەۋمەتتٸك-ەكونوميكالىق ەسەر ەتەدٸ.
ەستەرٸڭٸزگە سالساق, 2019 جىلدىڭ قاراشا ايىندا ەلٸمٸزدٸڭ ماقتا ٶسٸرۋشٸلەرٸمەن كەزدەسۋ قورىتىندىسى بويىنشا قر اۋىل شارۋاشىلىعى مينيسترٸ ساپارحان وماروۆ ماقتا سالاسىنىڭ جٷيەلٸ مەسەلەلەرٸن شەشۋ بويىنشا كەشەندٸ جۇمىس باستاعان بولاتىن. ديقاندارعا العاشقى قولداۋ رەتٸندە مينيستر ٶسٸمدٸك شارۋاشىلىعىنداعى سۋبسيدييالاۋ قاعيدالارىنا ٶزگەرٸستەر ەنگٸزۋ تۋرالى شۇعىل بۇيرىعىن جارييالاعان ەدٸ.
