Qazaqstanda maqta óńdeý uiymdarynyń qyzmetine ákimshilik kedergiler alynyp tastalatyn boldy, dep habarlaidy "Ult aqparat" QR AShM baspasóz qyzmetine silteme jasap.
Ótken aptada Prezident Qasym-Jomart Toqaev «Qazaqstan Respýblikasynyń keibir zańnamalyq aktilerine maqta salasy máseleleri boiynsha ózgerister engizý jáne «Maqta salasyn damytý týraly» Qazaqstan Respýblikasy Zańynyń kúshi joiyldy dep taný týraly» Qazaqstan Respýblikasynyń Zańyna qol qoidy. Jańa qujat artyq ákimshilik kedergilerdi joiýǵa jáne maqta salasynyń investitsiialyq ahýalyn saýyqtyrýǵa baǵyttalǵan.
Maqta salasyn damytý máseleleri jáne onyń toqyraý sebepteri taýar óndirýshiler ókilderiniń, ýákiletti memlekettik organdardyń, jergilikti bilik organdarynyń, Parlament depýtattarynyń qatysýymen ártúrli alańdarda birneshe ret talqylanǵan bolatyn. Nátijesinde taraptar saladaǵy iskerlik belsendilikti tejeitin qoldanystaǵy ákimshilik kedergiler men shekteýlerdi alyp tastaý qajettiligi týraly ortaq pikirge keldi.
Maqta qolhattary júiesiniń rettelýi negizgi quraldardyń kepiline shekteýler engizý saldarynan qarjy institýttary men maqta óńdeý uiymdary arasynda tarihi qalyptasqan qatynastardyń joiylýyna jáne tiisinshe salanyń quldyraýyna alyp keldi.
Qalyptasqan jaǵdaidy jaqsartý úshin jańa zańda maqta qolhattarynyń tiimsiz júiesin qaita rettei otyryp maqta óńdeý uiymdarynyń qyzmetin litsenziialaýdy jáne ony qamtamasyz etýge baǵyttalǵan sharalardy alyp tastaý usynylady.
Naqty aitatyn bolsaq, jeti zańnamalyq aktiden: maqta óńdeý uiymdarynyń ákimshilik jaýapkershiligin, olardy taratýdyń erekshe tártibin, tiisti is júrgizý normalaryn jáne t.b. normalardy alyp tastaý usynylady.
Qabyldanǵan zań maqta salasyna qarjy institýttaryn tartýǵa jáne aýylda jumyspen qamtýdy ulǵaityp, salanyń negizgi kórsetkishterin kótere otyryp oń áleýmettik-ekonomikalyq áser etedi.
Esterińizge salsaq, 2019 jyldyń qarasha aiynda elimizdiń maqta ósirýshilerimen kezdesý qorytyndysy boiynsha QR Aýyl sharýashylyǵy ministri Saparhan Omarov maqta salasynyń júieli máselelerin sheshý boiynsha keshendi jumys bastaǵan bolatyn. Diqandarǵa alǵashqy qoldaý retinde ministr ósimdik sharýashylyǵyndaǵy sýbsidiialaý qaǵidalaryna ózgerister engizý týraly shuǵyl buiryǵyn jariialaǵan edi.
