«قازگيدرومەت» رمك باسشىسى مارينا شميدت قىستا قازاقستان اۋماعىندا اۋا رايى قانداي بولاتىنىن ايتتى, دەپ حابارلايدى "ۇلت اقپارات".
«بيىل قاراشا ايىندا ەلٸمٸزدە اۋا تەمپەراتۋراسى كليماتتىق نورمادان 1 گرادۋس جوعارى بولماق. تەك ەلٸمٸزدٸڭ باتىسى مەن شىعىسىندا اۋا تەمپەراتۋراسى نورماعا سەيكەس بولادى. رەسپۋبليكامىزدىڭ باسىم بٶلٸگٸندە بٸر ايعا جۋىق كٶلەمٸندەگٸ جاۋىن-شاشىن مٶلشەرٸ نورماعا سەيكەس بولسا, وڭتٷستٸك قازاقستاننىڭ شەت جاعىندا نورمادان اسادى. ال وڭتٷستٸك-باتىسىندا نورمادان تٶمەن بولادى», - دەدٸ «قازگيدرومەت» باسشىسى.
اتاپ ٶتٸلگەندەي, قىستىڭ العاشقى ەكٸ ايى – جەلتوقسان مەن قاڭتاردا اۋا رايى سالىستىرمالى تٷردە جىلى بولادى.
«اۋا تەمپەراتۋراسى كليماتتىق نورمادان 3-5 گرادۋسقا تٶمەن كٷندەر دە بولادى. جەلتوقسان ايى جاۋىن-شاشىندى بولاتىنى كٷتٸلسە, اقپان ايىندا ەلٸمٸزدٸڭ باسىم بٶلٸگٸندە كليماتتىق نورمادان 1-2 گرادۋسقا تٶمەن تەمپەراتۋرا ورنايدى», - دەيدٸ ول.
اقپان ايىندا ەلٸمٸزدٸڭ وڭتٷستٸك-باتىس بٶلٸگٸندە جاۋىن-شاشىن از تٷسەدٸ, ال سولتٷستٸك-شىعىستا ونىڭ مٶلشەرٸ - نورماعا ساي.
م.شميدتٸڭ ايتۋىنشا, قاراشا ايىندا سينوپتيكالىق قۇبىلىستاردىڭ ارالاسۋى بولماسا قار, جەل, كٶكتايعاق كٷتۋگە بولادى.
«بيىل قىس مەزگٸلٸ سالىستىرمالى تٷردە – جىلى. اقپان ايىندا عانا اۋا تەمپەراتۋراسى نورمادان 1-2 گرادۋس تٶمەن بولۋى مٷمكٸن», - دەيدٸ «قازگيدرومەت» رمك باسشىسى.
