سۋرەت: اشىق دەرەككٶز
بيىل كٷزدە 175 مىڭ جاسٶسپٸرٸم قىز بالاعا پاپيللوما ۆيرۋسىنا قارسى ۆاكتسينا ەگٸلەدٸ. وعان ٷكٸمەتتەن 9,7 ملرد تەڭگەدەن استام قارجى بٶلٸندٸ, دەپ حابارلايدى 31 ارنانىڭ ينفورمبيۋرو اقپاراتتىق باعدارلاماسى.
ەندٸ قاراجات ايماقتارعا ٷلەستٸرٸلٸپ, ەكپە ساتىپ الىنباق.
ەكٸ كەزەڭنەن تۇراتىن ەكپەنٸڭ بٸرٸنشٸسٸ ون بٸر جاستاعى وقۋشى قىزدارعا سالىنادى. ال ەكٸنشٸسٸ التى ايدان كەيٸن ەگٸلەدٸ. مامانداردىڭ ايتۋىنشا, ەكٸ كەزەڭگە بٶلٸنگەن ۆاكتسينا جاتىر موينى وبىرىنىڭ الدىن الادى. سونداي-اق, دەنساۋلىققا كەرٸ ەسەرٸ جوق.
"ادام پاپيللوما ۆيرۋسى كٶپتەگەن قاۋٸپتٸ اۋرۋلاردى شىعارادى. ولاردىڭ ٸشٸندە ەڭ بٸرٸنشٸ جاتىر موينى قاتەرلٸ ٸسٸگٸ. ول 99 پايىز دەل وسى ۆيرۋستان بولادى. كٶپتەگەن ەل 15-16 جىل بۇرىن باستاعان. ولاردىڭ قورىتىندىلارى بٸزگە وسىنداي ٷلكەن نەتيجەسٸ بار ەكەنٸن جەنە قاۋٸپسٸز ەكەنٸن دەلەلدەگەن", – دەدٸ ونكولوگ-گينەكولوگ دەرٸگەر رايحان بولاتبەكوۆا.
ادام پاپيللوماسى ۆيرۋسىنا قارسى ۆاكتسيناتسييالاۋ شارالارى 2013-2015 جىلدارى پيلوتتىق جوبا رەتٸندە ەلٸمٸزدٸڭ 4 ايماعىندا جٷرگٸزٸلگەن بولاتىن. وندا دا وقۋشى قىزداردىڭ اتا-اناسىنىڭ رۇقساتىمەن ەگٸلگەن ەدٸ. نەتيجەسٸندە 11 مىڭنان استام قىز بالا ەكپەنٸڭ ەكٸ دوزاسىن العان.
"قولدانىلاتىن ۆاكتسينا تٶرت ۆالەنتتٸ. وسى ادام پاپيللوماسى ۆيرۋسىنىڭ ونكوگەندٸك تيپتەرٸنە, ياعني تٶرت تيپٸنە قارسى جوسپارلانعان. بۇل ۆاكتسينا – مەرك كومپانيياسى, اقش-تا شىعارىلادى", – دەدٸ قر دسم سانيتارييالىق-ەپيدەميولوگييالىق باقىلاۋ كوميتەتٸنٸڭ باسقارما باسشىسى نۇرشاي ەزٸمباەۆا.
ستاتيسكاتيكاعا سٷيەنسەك, جىلىنا 1900-گە جۋىق قىز-كەلٸنشەك قاۋٸپتٸ دەرتكە شالدىعادى. ونىڭ 600-ٸ دەل وسى اتى جامان اۋرۋدان كٶز جۇمعان, سوندىقتان اق حالاتتىلار ۋاقىتىلى تەكسەرٸلٸپ, مەديتسينالىق كٶمەككە جٷگٸنۋ كەرەكتٸگٸن ەسكەرتەدٸ.
"بٸزدە گارناتييالىق مەديتسينالىق كٶمەك اياسىندا كٶرسەتٸلەتٸن ەرتٷرلٸ سكرينينگتەر, ەر تٷرلٸ زەرتتەۋلەردەن جىل سايىن ٶتٸپ تۇراتىن بولسا, ەركەكتەر مەن ەيەلدەر ۋاقىتىلى تەكسەرٸلٸپ تۇرسا, قاتەرلٸ ٸسٸكتٸڭ الدىن الۋعا نەمەسە ونى باستاپقى ساتىدا انىقتاۋعا مٷمكٸندٸك بەرٸلەتٸن بولادى. ال قارجى ٶڭٸرلەرگە ٷلەستٸرٸلٸپ, 351 مىڭنان استام ۆاكتسينا ساتىپ الىنادى. تەگٸن ەكپە وقۋشى قىزداردىڭ اتا-اناسىنىڭ جازباشا كەلٸسٸمٸمەن ەگٸلدٸ", – دەدٸ راديولوگ دەرٸگەر وڭداسىن اقجول.
