پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ ديپلوماتييالىق قىزمەتٸ تۋرالى» قازاقستان رەسپۋبليكاسىنىڭ زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن ماقۇلدادى, دەپ حابارلايدى "ۇلت اقپارات".
زاڭ جوباسى قازاقستاندىق ديپلوماتتاردىڭ ەلەۋمەتتٸك قورعالۋىن نىعايتۋعا جەنە ديپلوماتييالىق قىزمەت ورگاندارىنىڭ قىزمەتٸن جەتٸلدٸرۋگە باعىتتالعان.
«زاڭعا كەلەسٸدەي ٶزگەرٸستەر مەن تولىقتىرۋلار ەنگٸزۋ كٶزدەلگەن, ياعني ديپلوماتييالىق قىزمەت ارداگەرلەرٸنٸڭ ەلەۋمەتتٸك قورعالۋىن جەتٸلدٸرۋ ماقساتىندا زاڭدا «قازاقستان رەسپۋبليكاسى ديپلوماتييالىق قىزمەتٸنٸڭ ارداگەرٸ» ۇعىمىن بەكٸتۋ ۇسىنىلادى. بۇل ساناتقا زەينەتكەرلٸك جاسقا تولعان جەنە كەمٸندە 25 جىل جالپى ەڭبەك ٶتٸلٸ بار, ونىڭ ٸشٸندە قازاقستان رەسپۋبليكاسىنىڭ ديپلوماتييالىق قىزمەت ورگاندارىندا 15 جىل جۇمىس ٸستەگەن ادامدار جاتقىزىلاتىن بولادى», - دەپ تٷسٸندٸردٸ سىرتقى ٸستەر مينيسترٸ مۇحتار تٸلەۋبەردٸ.
ونىڭ ايتۋنىشا, تٶتەنشە جەنە ٶكٸلەتتٸ ەلشٸ, حالىقارالىق ۇيىمدار جانىنداعى تۇراقتى (ٶكٸلەتتٸ) ٶكٸل قىزمەتٸن اتقارعان نەمەسە تٶتەنشە جەنە ٶكٸلەتتٸ ەلشٸ ديپلوماتييالىق دەرەجەسٸ بار ديپلوماتييالىق قىزمەت ارداگەرلەرٸنە قازاقستان رەسپۋبليكاسىنىڭ ٷكٸمەتٸ ايقىندايتىن تەرتٸپپەن جەنە مٶلشەردە اي سايىن اقشالاي تٶلەم تٶلەنەتٸن بولادى. قاجەتتٸ شىعىنداردى رەسپۋبليكالىق بيۋدجەت كوميسسيياسى بيىلعى 11 تامىزدا قولدادى.
«ەلەمدٸك ساياسات پەن ەكونوميكا سالاسىندا ٸرگەلٸ جەنە عىلىمي-قولدانبالى زەرتتەۋلەر جٷرگٸزۋ ماقساتىندا ديپلوماتييالىق قىزمەت ورگاندارى جٷيەسٸنە عىلىمي مەكەمەلەردٸ كٸرگٸزۋ ۇسىنىلادى. بۇل سىرتقى ٸستەر مينيسترلٸگٸنە قارايتىن سىرتقى ساياسي زەرتتەۋلەر ينستيتۋتىنىڭ مەرتەبەسٸن ارتتىرىپ, ونىڭ قىزمەتٸنٸڭ نەگٸزگٸ باعىتتارىن بەكٸتۋگە مٷمكٸندٸك بەرەدٸ», - دەدٸ مينيستر.
