2021 جىلدىڭ قاڭتارىندا تۇرعىن ٷي قىزمەتتەرٸ, سۋ, ەلەكتر ەنەرگيياسى, گاز جەنە باسقا دا وتىن تٷرلەرٸنٸڭ تاريفتەرٸ بىلتىرعى جىلعى قاڭتارمەن سالىستىرعاندا 3,8%, ال بٸر اي ٸشٸندە 0,6% قىمباتتادى, دەپ حابارلايدى Finprom اگەنتتٸگٸ.
سونداي-اق بٸر جىلدا قوقىس شىعارۋ بٸردەن 19,1%, ٷيگە قىزمەت كٶرسەتۋ جەنە جٶندەۋ قىزمەتتەرٸ 6,3%, ەلەكتر ەنەرگيياسى 5,2% ٶستٸ. سۋ تارتۋ جەنە ورتالىقتان جىلىتۋ قىزمەتٸ سەيكەسٸنشە 1% جەنە 2% ارزانداعان.
ەلٸمٸزدٸڭ قالالارى بويىنشا قوقىس شىعارۋدىڭ ورتاشا تاريفٸ جان باسىنا 264 تەڭگە بولدى. بٸر جىل بۇرىن بۇل كٶرسەتكٸش 173,3 تەڭگە ەدٸ.
ىستىق سۋ تاريفٸ بٸر جىلدا 15,5% قىمباتتاپ, 1 تەكشە مەترٸ ٷشٸن 267,6 تەڭگەگە جەتتٸ. سۋىق سۋ 3% ٶسٸپ, 1 تەكشە مەترٸ ٷشٸن 70,4 تەڭگە بولدى.
تاراتۋ جەلٸلەرٸ ارقىلى جٸبەرٸلەتٸن تابيعي گاز باعاسى 33,5% ٶسٸپ, تەكشە مەترٸنە 25 تەڭگەنٸ قۇرادى. سۇيىلتىلعان گاز قۇنى 5,3 ارتىپ, كەلٸسٸنە 160,3 تەڭگە بولدى.
قازٸر اۋىز سۋ تاريفٸ قالاعا قاراعاندا اۋىلدىق جەردە قىمبات. وعان سۋ جٷرگٸزۋ ينفراقۇرىلىمىنىڭ قىمباتتىعى, اۋىلداردىڭ الشاقتىعى, تۇرعىنداردىڭ از قونىستانۋى جەنە باسقا دا فاكتورلار ەسەر ەتەدٸ. ٶڭٸرلەردەگٸ سۋ باعاسىن تٶمەندەتۋ ٷشٸن شىعىنداردىڭ بٸر بٶلٸگٸن مەملەكەت ٶز موينىنا الادى.
