2021 jyldyń qańtarynda turǵyn úi qyzmetteri, sý, elektr energiiasy, gaz jáne basqa da otyn túrleriniń tarifteri byltyrǵy jylǵy qańtarmen salystyrǵanda 3,8%, al bir ai ishinde 0,6% qymbattady, dep habarlaidy Finprom agenttigi.
Sondai-aq bir jylda qoqys shyǵarý birden 19,1%, úige qyzmet kórsetý jáne jóndeý qyzmetteri 6,3%, elektr energiiasy 5,2% ósti. Sý tartý jáne ortalyqtan jylytý qyzmeti sáikesinshe 1% jáne 2% arzandaǵan.
Elimizdiń qalalary boiynsha qoqys shyǵarýdyń ortasha tarifi jan basyna 264 teńge boldy. Bir jyl buryn bul kórsetkish 173,3 teńge edi.
Ystyq sý tarifi bir jylda 15,5% qymbattap, 1 tekshe metri úshin 267,6 teńgege jetti. Sýyq sý 3% ósip, 1 tekshe metri úshin 70,4 teńge boldy.
Taratý jelileri arqyly jiberiletin tabiǵi gaz baǵasy 33,5% ósip, tekshe metrine 25 teńgeni qurady. Suiyltylǵan gaz quny 5,3 artyp, kelisine 160,3 teńge boldy.
Qazir aýyz sý tarifi qalaǵa qaraǵanda aýyldyq jerde qymbat. Oǵan sý júrgizý infraqurylymynyń qymbattyǵy, aýyldardyń alshaqtyǵy, turǵyndardyń az qonystanýy jáne basqa da faktorlar áser etedi. Óńirlerdegi sý baǵasyn tómendetý úshin shyǵyndardyń bir bóligin memleket óz moinyna alady.
