© Public Domain
قازاقستاندا كارتوپ ٶندٸرٸسٸ ٶستٸ, دەپ حابارلايدى ۇلتتىق ستاتيستيكا بيۋروسىنىڭ باسپاسٶز قىزمەتٸ.
"بىلتىر كارتوپتىڭ جالپى كٶلەمٸ 4,1 ميلليون توننا بولدى. 2021 جىلمەن سالىستىرعاندا 1,2%-عا ٶستٸ", - دەلٸنگەن حابارلامادا.
اۋىلشارۋاشىلىق كەسٸپورىندارى 588 مىڭ توننا كارتوپ ٶندٸرسە, جەكە كەسٸپكەرلەر مەن شارۋا قوجالىقتارى - 1,5 ميلليون توننا كارتوپ العان. كارتوپ ٶنٸمٸمەن قوسا, ەكسپورتى دا 18,5%-كە ٶسكەن.
"ٶتكەن جىلدىڭ قاڭتار - قاراشا ايلارىندا ەكسپورتقا 194,8 مىڭ توننا كارتوپ جٸبەرٸلدٸ, ال 2021 جىلى 164,3 مىڭ توننا ەكسپورتتالدى", - دەپ اتاپ ٶتتٸ بيۋرو.
كٶكٶنٸس يمپورتى ازايعان. ەگەر 2021 جىلى 97,6 مىڭ توننا كارتوپ يمپورتتالسا, 2022 جىلى قازاقستانعا شەتەلدەن 47,3 مىڭ توننا كٶكٶنٸس ەكەلٸنگەن.
ايتا كەتەرٸ, 2022 جىلى كارتوپتىڭ جالپى ەگٸستٸك القابى 198,8 مىڭ گەكتاردى قۇرادى.
