© Public Domain
Qazaqstanda kartop óndirisi ósti, dep habarlaidy Ulttyq statistika biýrosynyń baspasóz qyzmeti.
"Byltyr kartoptyń jalpy kólemi 4,1 million tonna boldy. 2021 jylmen salystyrǵanda 1,2%-ǵa ósti", - delingen habarlamada.
Aýylsharýashylyq kásiporyndary 588 myń tonna kartop óndirse, jeke kásipkerler men sharýa qojalyqtary - 1,5 million tonna kartop alǵan. Kartop ónimimen qosa, eksporty da 18,5%-ke ósken.
"Ótken jyldyń qańtar - qarasha ailarynda eksportqa 194,8 myń tonna kartop jiberildi, al 2021 jyly 164,3 myń tonna eksporttaldy", - dep atap ótti biýro.
Kókónis importy azaiǵan. Eger 2021 jyly 97,6 myń tonna kartop importtalsa, 2022 jyly Qazaqstanǵa shetelden 47,3 myń tonna kókónis ákelingen.
Aita keteri, 2022 jyly kartoptyń jalpy egistik alqaby 198,8 myń gektardy qurady.
